Other formats

    TEI XML file   ePub eBook file  

Connect

    mail icontwitter iconBlogspot iconrss icon

The Whare Kohanga (The "Nest House") and its Lore

VI

page 86

VI

Ko te karakia tenei a Paia i wehea ai a Rangi raua ko Papa-tuanuku

Tenei au ka turuki atu nei ki a koe, e Rangi . . e!
He uri tipua, he uri tawhito, he uri atua, he uri nou, e Rangi . . e . . i!
Hapai ake nei au i a koe, e Rangi . . e!
Nei to ara, he ara te whaia, he ara te keukeu, he ara te haruru, he ara te ngatoro ki te pu wawa, ki te pu mairekura . . e.
Tahia, tahia te papa nui, tahia te papa roa, tahia te papa te oi
Oi tahia te papa te makeukeu, te papa tiketike i nuku, te papa tiketike i rangi
Te papa tiketike ki te hau winiwini, ki te hau wanawana, ki te hau tuhi rangi . . e
Tenei au ko te whiri nui, ko te whiri roa, ko te whiri tamaua
Tamaua ki te kauru nui, ki te kauru roa
Tamaua ki te pu mairekura, ki te pu maire rangi
Ko te pu. ko te weu, ko te aka titamaua
Tamaua i roto, tamaua i waho ki te kauru nui, ki te kauru no Rangitamaku, e Rangi . . e!
Tenei au, e Rangi . . e! kei te tupe nuku, kei te tupe rangi, kei te tupe uru tau
Akaaka nui, akaaka roa kei te pu i whiria, kei te pu i tamaua.
Kei te pu haohao nui, kei te pu haohao roa, kei te pu haohao tipua
Kei te pu tawhito, kei te pu haohao atua nou, e Io nui!
Ko te ueue nui, ko te ueue roa, ko te ueue tawhito, ko te ueue tipua,
ko te ueue atua nou, e Io matua . . e!
Tamaua ki te kauru nui, tamaua ki te kauru nau, e Io te waiora . . e!
Tamaua ki te pu, ki te weu, ki te aka titamaua, ki te aka ti tamore rangi . . e
E tama ki te tihi, e tama ki te rakerakenga o Rangi-nui . . e
Ko taku ahi tuiri nuku, tuiri rangi, tuiri akaaka rangi
Kita tuiri taketake ki te kauru kaukau nui, ki te kauru kaukau roa
Ki te kauru kaukau tipua, ki te kauru kaukau atua nou, e Io taketake . . e!

Ka mutu i konei te karakia a Paia i rewa ai a Rangi-nui ki runga nei tu iho ai. Ko te karakia tenei i waiho ai e nga tohunga o te whare wananga hei karakia wehe i te tane, i te wahine ranei; hei karakia whakapiri ranei i te wahine, i te tane hoki ki te wahine, ara koia tenei e tauira mai o taua mahi a ratau.