Other formats

    TEI XML file   ePub eBook file  

Connect

    mail icontwitter iconBlogspot iconrss icon

The Whare Kohanga (The "Nest House") and its Lore

IV

page 83

IV

Ko te karakia tenei i tuatia ai a Karauria, papa o Airini, e Tareahi, e Te Karawa, me etahi atu

Tenei, e tama, ka tu ake ki runga
Ka tau turuki, ka taumau atu ki a koe, e Rongo!
He tautanga, he tahuritanga nou ki tenei tamariki nau, e Rongo . . e!
Tenei ka hapai nga atu [?atua] ki to aro, e Rongo . . e!
Ka whakamau atu ki a koe kia tohia e koe ki te tohi wairora, e Rongo . . e!

Ka whatoro te tohunga ki te tamaiti, me takoto ki te ringa maui te tamaiti. Kia tae ki te pito o te tohunga te wai, ka huri te aroaro ki te uranga mai o te ra, ka mea te tohunga:—

Tenei tama nau, e Kahukura!
Tenei tama nau, e Tumatauenga . . e!
Tenei tama nau, e Rongomai . . e!
Tenei tama nau, e Tane . . e!
Tenei tama nau, e Maru . . e!
Tenei tama nau, e Tunui a te ika . . e!
Tenei tama nau, e Tangaroa . . e!
Tenei tama nau, e Rehua . . e!
Tenei tama nau, e Korako . . e!
E he tama rauhi na koutou . . e
Tenei tama he tama puhi na koutou . . e
He tama whakapure na koutou . . e
He tama tauira na kouto . . e
Ehua nga aitu . . e. Ehua nga hakirara . . e
Ehua nga tunawhea . . e. Ehua nga tuwiri . . e.
Ehua nga winiwini . . e. Ehua nga tarapuhi . . e.
Ehua nga makawe . . e. Ehua nga tae heke . . e.
Ehua nga taringa . . e. Ehua nga wharo . . e.
Ehua nga roimata . . e. Ehua nga ringa . . e.
Ehua nga waewae . . e. Ehua nga nohoanga . . e.
Ehua nga tapuwae . . e. Ehua nga wairoto . . e.
Ehua nga kino roto . . e. Ehua nga takotoranga . . e.
Ehua nga kai . . e. Ehua nga wai inu . . e.
Ehua nga tapu whakaeke . . e. Ehua nga mana tangata . . e.
Ehua nga karakia whakaeke . . e. Ehua nga mana tauira . . e.
Ehua nga mana tohunga . . e. Ehua nga mana atua rawaho . . e.
Tamaua tenei tama kia aropiri . . e.
Tamaua tenei tama kia ita . . e.
Tamaua tenei tama ki te pu o nga atua . . e.
Tamaua tenei tama ariki ki te toiora . . e.
Tamaua tenei tama ki te pungakengakenga ki o koutou aro . . e.
Tawhia kia mau, tamaua kia ita, kita ki taketake . . e.
Ahuahu nuku . . e. Ahuahu rangi . . e. Ahuahu ki te whai ao . . e.
Kia tipu, kia rea, kia hiwa ki tona hiwa . . e.
Tona ara ko te toiora . . e. Tona marae ko te toiora.
Tona moenga ko te toi matua . . e. Tona mahara ko te toi aronui . . e.

page 84

I konei ka whakatotohu te tohunga i a raua ko te tamaiti ki roto i te wai; ka mea ia i a ia e whakatotohu ana:—

Tenei ka rumaki atu ki te aro atua, he aro nui, he aro roa.

Ka ea ake te tamaiti ki runga ka mea ano te tohunga:—

Ko wai to ingoa? Ko tama i whakakite he aro atua
He aro tangata tenei ka tamaua ki a koe, e tama . . e!
E tipu, e rea ki a tama te hakiri, ki a tama te torokaha
Ki a tama te hihiri, ki a tama te haere, ki a tama te rakau
Kia karo tama, kia hipa tama i tona hipa, kia hipa ki toiora
Na enei atua ki a koe, e tama . . e!
Oi whiwhia, oi rawea, oi tamaua ki tenei tama
Na nga atua o runga o nga rangi tuhaha, o nga kauwhanga
Tamaua kia ita, kitakita ki tenei tama i koutou aro
He aro tipua, he aro atua, he aro ki tenei tama . . e.
He toi tu hei kaha, he toi toa, he toiora
He toi tipua, he toi atua no tenei tama ariki
Tihere mauri ora!