Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

23 — Mahinga paepae kiore — Na T. Ranapiri, Ngati Raukawa

23
Mahinga paepae kiore

Na T. Ranapiri, Ngati Raukawa

E rua nga patu mo te kiore, ko te tawhiti, ko te keri ki te rua. Ko te rua, kia wha, kia rima putu ranei te hohonu, kia tauwharewhare te keri o te rua; ka hoatu ano he rakau ki roto i te rua hei herenga mo te taura hekenga iho mo te kiore ki roto i te rua. He mea poa ano hoki a roto i te rua ki te kai, he kakano, aha ranei; kia kitea i te wa e tirohia ai kua poru nga poa, ka ringitia ano he poa, a hei taua po ano tikina ai, patua ai. page 407Kua mohio ano te tangata ki te taura, aka ranei, hei kumenga ake mana, e riro katoa ake ai nga tawa hekenga kiore ki roto i te rua. I tana hutinga ake i te taura kotahi riro katoa ake te nuinga o nga taura, me te rakau i herea ai a raro. Katahi ka rere te tangata ki roto i te rua patu ai i nga kiore; ka mutu te patu ka tino tahia te rua kia hemo te piro kiore, kia haere mai ai ano etahi kiore ki taua rua ano ina poaina ano.

I rongo ahau i kau mai te kiore i Hawaiki ki Aotearoa nei, i kau huihui tonu mai, ko te kaiarataki ki mua, ka ngau mai to muri atu i te kiore o to mua, ka ngau mai to muri atu i te kiore o to mua mai, pena tonu, a tae noa ki to muri rawa.