Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

11 — Te hua kiwi i mahue i te tawai

11
Te hua kiwi i mahue i te tawai

Na, ko tenei manu ko te kiwi, ka whanau te hua ka takoto, mutu noa te tau e takoto ana tona hua, tae noa ki te rua o nga tau, mohio tonu te kiwi ki tona hua, katahi ano te kiwi ka hoki ki te pao i tona hua, no te rua o nga tau i hoki ai ki tona hua pao ai, katahi ano ka puta te tamaiti a te kiwi. Ko te manu tenei o Aotearoa i rereke i nga manu katoa.

"Engari te titi e tangi haere ana
Whai tokorua rawa raua
Tena ko au nei, e manu
Kai te hua kiwi i mahue i te tawai
Ka toro te rakau kai runga ra
Ka hoki mai ki te pao, ka whai uri ki te ao."