Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

9 — Mahinga Weka — Na Ngai Tahu

9
Mahinga Weka

Na Ngai Tahu

Ka timata atu te mahi i te manu nei i te weka i te ngahuru; ko te marama e timata ai ko Aperira. Ka rewa katoa nga Maori ki nga pakihi, maunga, awaawa ranei e mahia ai taua manu te weka. Ka tae ki te wahi, ki nga wahi ranei e nohoia ana i mua iho, nga wahi e kiia nei he kainga mahinga kai, ka noho ki reira. Pena tonu to tena hapu kainga mahinga kai, to tena hapu. Ka waiho nga wahine ki nga houpuni, ko nga tane ka haere katoa me nga kuri, ta tena tangata tana kuri, tena tangata me tana kuri. Ka haere atu i te po, i te awatea ki te whakangau; ka nui nga weka ka poi mai ki nga houpuni, ka hutia nga huruhuru, ka kokokitia; ka mutu te kokoki ka tahuna hei huahua. Ka waiho kia ahua makariri, ka whaongia ki roto i nga poha rimu. Kei te paunga o nga huruhuru te huhuti ka waiho ma nga wahine e tahu ki roto i nga ipu; he mea ata mahi marie e nga Maori aua ipu rakau e kore e wera i te ahi. E whakapapatia ana nga manu ki roto i nga ipu i te tuatahi, hei muri ka hoatu he nui te kohatu werawera ki roto, ma reira e tahu nga manu. Kua maoa ka waiho ano te hunga hei tahu, ka haere ano nga tangata ki te whakangau mai; ka nui ka poi mai ano ki nga puni, pena tonu me te mahinga tuatahi mai ona ritenga katoa. Kei te Tom ki etahi wahi ka mutu, kei te marama o Hurae, ki etahi whenua mahinga weka kei te wha rawa ka mutu, kei te marama o Akuhata etahi whenua ka mutu. Kei te mutunga ka hoki ki te poi i nga huahua ki nga pa nohoanga, pau rawa ake ki te pa, ka pau hoki nga ra o te marama o Akuhata. Ka pau katoa mai ki te pa nga huahua ka whaka-page 394ekea ki runga i nga whata. Ko te ritenga katoa tenei mo te tahunga o nga manu e meatia ana hei huahua, o nga kiore me era atu mea katoa e tahuna ana.