page 238

8. Te Pakanga a Kuku Ma Ki a Pipi Ma

Ko te pipi peraro, me te pipi kapeo he taina he tuakana raua. I tipu te pakanga a Kuku ma ki a Pipi ma i Waikaru; ka roa e wha-whai ana ka kumea e Pipi ma ki Onetahua taua pakanga. Katahi tera ka hou ki roto ki tona parepare noho mai ai. Katahi ka whanatu nga tuakana ki te whakaeke; no te whaterotanga atu o nga arero ka ki i te kirikiri, ka hinga te whanau a Kaukau i konei i te whanau a Te Arawaru, koia i takoto tonu mai ai nga tuakana i waho, takoto tonu atu nga taina i uta, i roto i to ratau tipuna i a Hine-tuakirikiri. Ka tae te rongo ki a Te Pu-whakahara raua ko Takaaho; katahi ka ki nga tokorua nei: "He aha ta tangata pakupaku tana riri?" Ka ki atu a Te Pu-whakahara ki a Takaaho: "E ta! E mate kai ta taua whanau, tikina atu te whanau a Te' Arawaru hei kai ma nga tama-riki." Ka ki atu a Takaaho: "E ta! Akuanei whati ai ki roto ki to ratau parepare, e kore e taea atu." Ka ki atu a Te Pu-whakahara: "Takotia i waho o nga parepare kia puta.mai ki waho koko ai."

Katahi ka whakatika te taua a Takaaho, ka tae atu ki One-tahuaroa Katahi ka horo te whanau a te Arawaru ki roto i to ratau pa tuwata-wata. Ka whakaeketia e Takaaho tona taua ki runga ki a Toretore ratau ko ona taina; ka hinga i konei te ope taua a Takaaho. Ka aranga tenei pakanga ko Waimapihi, i ki ai nga tapiha o Takaaho i te kirikiri; koia te take a mite ai te pakake ki runga ki te one. Heoi tenei.