Fishing Methods and Devices of the Maori
23. Te Maramataka A Pohuhu O Wairarapa
23. Te Maramataka A Pohuhu O Wairarapa
1. | Whiro .. | .. | Ko te ra tuatahi tenei o te marama. |
2. | Tirea .. | .. | Ki te uru te marama ki roto i te awatea, he kino. |
3. | Hoata .. | .. | Pera ano tenei, he kino. |
4. | Oue .. | .. | He pai i te ata, he kino i te po. |
5. | Okoro .. | .. | He ra pai tenei, me tona po he pai. |
6. | Tamatea | .. | He tupuhi, ka hoki nga tai ki waho ki Tuahiwi o Hine-moana. |
7. | Tamatea | .. | He hau, he ua i tetahi wa. |
8. | Tamatea | .. | He aio, he pai rawa, ka mate te ika. |
9. | Tamatea | .. | He rangi pai tenei, he wa ano he kino. |
10. | Huna .. | .. | He kino rawa tenei ra mo nga mahi, me te po. |
11. | Mawharu | .. | He kino ki te hotoke i tetahi wa, ki te raumati he pai. |
12. | Maurea .. | .. | He pai mo te ika, he kino mo te kai.page 250 |
13. | Atua .. | .. | He kino mo nga mahi katoa, o uta, o tai. |
14. | Turu .. | .. | Ka tupou te marama ki te wai, he kino. |
15. | Rakaunui | .. | Ahua pai paku nei mo te ika. |
16. | Rakaumatohi | .. | He pai iti nei. |
17. | Takirau .. | .. | He pai paku nei. |
18. | Oike | .. | He kino rawa atu. |
19. | Korekore-tutahi | .. | He kino rawa atu. |
20. | Korekore-turoto | .. | He kino ano. |
21. | Piri ki Korekore | .. | [Korekore piri ki te Tangaroa pea?] He pai iti nei. |
22. | Tangaroa-amua | .. | Ahua pai iti nei. |
23. | Tangaroa-turoto | .. | He pai mo te tuna nunui. |
24. | Tangaroa-kiokio | .. | He pai mo te tuna, mo te ika. |
25. | Otane .. | .. | He pai mo te tuna, mo te ika. |
26. | Orongonui | .. | He pai mo nga mahi kai katoa. |
27. | Mauri .. | .. | He pai mo nga tiri kai katoa. |
28. | Omutu .. | .. | He pai mo te tiri kai. |
29. | Mutuwhenua | .. | He po he rawa atu tenei. |
Na, e kite ana tatau e rua tekau ma iwa tonu nga ra i tenei wa; te take i penei ai i tikoro tetahi o nga ra nei, kaore te Ari i uru mai ki roto i te kaupae o te kauwhanga nei. Engari kei etahi wa ka uru mai te Ari ki muri mai o te Huna [hei tekau ma tahi], ki te pera ka tutuki te tatau ki te toru tekau o nga ra. Ki te pera e whakaki ana nga ra i kona, na kona i toru tekau ai nga ra, ka rere kotahi i waho rere ai. Ka kiia tena he ra no Takurua, koia i rere ai ki waho, ko taua ra he Tamatea, kei te hotoke ra ia rere ai ki roto i te kaupae o te kauwhanga taka ai. E wha nga Tamatea; ki te rere te Tamatea-kai-ariki ka kumea e ia te Ari ki waho, koia i noho ai nga ra ki te 29, ki te 30. Kia uru katoa mai raua ki roto katahi ano ka tutaki nga rangi ki te 30, 31. Ka kiia i kona kua takapau nga rangi ki te uru enei ra katoa tae noa ki te 29 nga ra, he nui te pai me he mea ka pena te kaupeka o te tau.
[Tenei ano etahi korero mo nga kaupeka o te tau, otira kau uru nga tikanga Pakeha ki roto, hei aha ena!]