2. Tuna Kope Me Te Tuna Kopaki, He Mea Whakamarama Mai E Karaka Tarawhiti, O Waikato

Ko te tuna kope mo te tuna puhi anake, ka kopea ki te raurekau, kei te nehenehe tena rakau te raurekau; ko nga pakawha ka takaia ki te tuna, katahi ka tunua ki te ahi, ara ka rara ki te ahi kia maoa. nga ngahere tena tunu tuna. Na nga iwi o Waikato kaore e tata ki nga ngahere he kopaki ki te harakeke, kia tekau nga tuna ki roto i te kopaki kotahi, ka taona ki te hangi, hui tahi nga riwai me nga kumara ki roto i taua hangi kotahi. Mo nga tuna hou anake tena mahi te kope me te kopaki, mo nga tuna maha ka kauitia, ka rara ki te ahi kia ahua maoa, kaua e maoa rawa, ka whakanoi kia maroke, ka matao ka maro nga tuna.