page 247

19. He Karakia Waka E Rere Ana Ki Te
Moana Tenei

The following is a karakia, or formula, that was recited in connection with sea-going vessels, the object being to secure a good passage and safe arrival at the vessel's destination. It was also used in the event of a storm arising; a tohunga, or expert, would have charms at his command to raise or lay wind, to secure fine weather, and many other things.

Tenei au ka tu ki runga he tamaroa, he tamatane
He tauira no nga tipua, he akonga no nga ruanuku
He waihotanga na nga tohunga tuahu
He aro nui, he aro roa ki nga tauira ra
Ki nga mana tipua, ki nga mana atua, ki nga mana ruanuku tahua
Tenei au ka turuki atu i tenei waka rere moana
Ki nga mana tipua, ki nga mana atua o uta
Ki nga mana atua o Hine-moana
Hikitia, hapainga, kumea ki te koronga na enei tamatane
Kia u te ihu o tenei waka ki te take whenua
He koronga ki a koutou, ki nga tipua o uta, o waho
I te moana nui a Kiwa e takoto nei
He koronga ki a koutou, ki nga atua o tuawhenua, o tuamoana
O nga kauhanga o Rangi e tu nei, o Tuanuku e takoto nei
Kia tae tenei waka me tenei tamaroa ki te tauranga a waka.
Ki te ukiukinga o nga tamaroa o tuawhenua ki nga ruwahine
Tenei au ka turuki atu he turuki takere nui
He turuki tamawahine ki te uru tu, ki te uru nuku, ki te uru rangi na Ruatau
Tawhia tamaua nga pae moana, tawhia tamaua nga tuatea moana kia papatairite, kia papa marino
Kia tangi te au kume, te au rona, te au ki tuawhenua i te ihu o tenei waka
He waka no koutou, no nga tipua, he waka no nga pia tamaroa ki uta ki take whenua
Angiangi tu, angiangi maru koe, Tawhirimatea, i te angi tauru nui, i te angi tauru rangi .. e .. i.