Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

[Proceedings of some conferences held by Te Aute College Students' Association, 1897-1901, 1906]

Tamatekapua. — 29 O Tihema, 1905

page 17

Tamatekapua.
29 O Tihema, 1905.

Rev, Peneti. Ka Whakatuwheratia te whare ki te inoi.

P. Tomoana, Tiamana. Me he mea he motini a koutou me tuku mai ki runga i te teepu.

Pine Tamahori. Ka panui i te pukapuka a te ropu tamariki o te Kotahitanga o Te Aute. Na Pine i motini, Na Te Wheoro i tautoko. He tonu atu ki tenei Kotanitanga kia ata tirotirohia nga wahi e rawaka ana nga tamariki o Te Aute, a kia whakaturia ai ki aua waahi he wahanga ropu mo tenei Kotahitanga." (Paahitia ana.)

Tiamana. Ko te motini a Anaha Te Rahui, ka tukua atu ki te Whare, mo te Kura whakairo, mo te whatu kakahu Maori me ona whakairo.

"Na Anaha Te Rahui i motini, na Pirika Miroi i tautoko:

E motini ana ahau ki tenei hui ote Kotahitanga kia whakaturia tetahi kura mo nga mahi Maori, ara mo nga mahi e kia nei tona ingoa he mahi whakairo-a-ringa, hei whakaako i nga tamariki Maori i runga ite ngakau wehi kei ngaro tenei taonga nui a o tatou tipuna, me te mahi whatu, kakahu Maori me ona whakairo."

Anaha Te Rahui. Ka whakamarama ahau i te take i motini ai ahau mo te kura whakairo. Ko te take, he taonga nui tenei e tumanakotia ana e te ngakau kei ngaro, page 18na reira ahau i mea ai kia tu he Whare-kura whakairo, kia mau ai tenei taonga nui a nga tipuna; tuarua, kia mau ai hoki te whatu taniko me te raranga whariki me ona whakairo.

Pirika Te Miroi. E tautoko ana ahau i tenei motini, i runga ano i te mea i puta mai i roto i te ripoata a Tiatitana mo te whakairo rakau, me te raranga whariki, me era atu tu whakairo a te Maori.

Tatana. Kanui toku koa mo te homai o tenei take. Ko tetahi mahi tena ma tatou he ako i nga mahi o mua. Ki toku mohio ki te tu he Kura mo tenei mahi, tera e puta mai tetahi hua nui hei oranga mo te iwi Maori. I rongo ano ahau i puta ano he kupu ma te Kawanatanga mo tenei take. Ko tenei motini maku e tuku ki te Kawanatanga me te Minita, kia puta mai he kupu whakakaha mo tenei motini.

Tiatitana. E tautoko ana ahau i tenei motini. E koa ana hoki tenei Kotahitanga mo Anaha, mona i whakatakoto mai i tenei take. Kaore hoki e pai kia ngaro tenei taonga me enei mahi a te Maori. Koianei tonu te wa tika mo tenei take. Ko toku hiahia kia tere tonu te whakaoti, i te wa e ora ana nga Kaumatua hei ako i tenei mahi. Ki au me kaha tenei Kotahitanga ki te whakatere i tenei take kia wawe te oti.

H. Taiapua. E tautoko ana ahau i tenei motini, ko te take i rongo ahau tera etahi Pakeha e mea ana ki te ako i ana whakairo ki etahi atu Pakeha. No reira i mea ai ahau kia tere tenei motini te whakaoti.

Rev. Peneti. Ma te Kotahitanga ranei e whakahaere tenei Kura, ma te Kawanatanga ranei e awhina mai?

Pirika. Ki taku me tuku te mana o tenei Kura ki te Kotahitanga o nga tamariki, a ma te Kawanatanga e awhina mai.

Taekata. Ki taku me tuku ki te Kotahitanga te mana o tenei motini.

Tiamana. Na Anaha te motini na Pirika i tautoko. "Kia tukua te mana o te Kura whakairo ki raro i nga whakahaere o to tatou Kotahitanga, engari me tono ki te Kawanatanga kia awhinatia taua Kura.

page 19

Pirika Te Miroi. Me unu mai taku motini mo te Moana o Rotorua me era atu take.

Tiamana. Ko nga motini e pa ana ki nga mamae o nga whenua kua kiia e Apirana me waiho ena kia hoki mai ia ka whakahaere ai ena.

Rev. Peneti. Ka panui i te motini hei whakaoti i te motini a Anaha. Ki hai i mutu te whakahaere o nga korero mo te motini a Anaha, kia tukua te mana o te Kura whakairo ki raro i nga whakahaere o to tatou Kotahitanga, o nga Tamariki, e tino pai atu ana ki au nei.

Pirimi Mataiawhea. Ki taku mehemea ki te kiia e tatou me tuku katoa atu nga mea e mahia ana e te Kura whakairo, me era atu o nga mahi aringa a nga Maori, ma te Kotahitanga o nga Tamariki, e tino pai atu ana ki au nei.

Tiamana. Ka tukua atu ki te Whare te motini a Peneti mo te motini a Anaha, na Pirika i tautoko. Ko nga mea e whakaae ana me kii mai "Ae," ko nga mea e kii ana "No" me kii mai. (Paahitia ana.)

Tiamana. Ko te motini kei te aroaro o te Tiamana, na Wi Katene.

Wi Paraire. He panui taku i tenei pukapuka hei motini ki to tatou whare. (Panuitia ana, tae noa ki tona mutunga.)