[Proceedings of some conferences held by Te Aute College Students' Association, 1897-1901, 1906]
[hua]
Koia tenei e nga rangatira, a nga mana, e nga tangata matau whakaaro nui o te iwi, nga take i tu ake ai matau a koutou tamariki i tukua nei e koutou ki nga kura, e karanga atu ana ki o matou hoa kura, kia toro mai nga ringa kia kotahi he haere ki te whakahaere tikanga hei whakakaha ia matou ano, a hei arahi i to matou iwi Maori ki nga huarahi o te ora me te maramatanga.
A e karanga atu ana hoki matou kia koutou ki o matou rangatira, ki o matou matua, ki o matou whanaunga, ki nga kaiwhakahaere o te iwi a ki nga iwi me nga hapu katoa o Nui Tireni kia awhinatia mai matou, ara, kia tangohia ma koutou ano ma nga kaumatua e whakahaere enei mahi taimaha, ma koutou ano e whakarite tikanga ki waenganui i o koutou iwi hapu hoki, i nga tikanga e tupu ai te ora. Ma koutou te kaha ki te awhina ia matou e taea ai he pai, he maramatanga, he oranga mo koutou me matou hoki. Ma koutou e whakahaere aua tikanga i roto i nga ropu huihuinga o nga motu nei.
Kia ora tonu koutou. Ma te Atua te whakaaro ki te tieki i te iwi Maori, kia roa ona ra, kei ngaro rawa atu i te mata o te wheuua, o Aotearoa, o te ika a to ratou tupuna a Maui.
Ka huri ake te tito nei.
page break page break page break