Ko te Paunui o Aotearoa. Mo te Kooti Whakawa Whenua Maori. He Mea ta I Runga i te Mana o Te Kiingitanga Motuhake o Aotearoa
Tari o te Kiingitanga
Tari o te Kiingitanga.
He whakaatu tena kia koutou katoa e nga Iwi. Ko nga Whenua katoa e hiahiatia ana kia Riihitia i raro i nga tikanga o te Ture o te Kiingitanga o te Iwi Maori o Aotearoa me te Waipounamu, me tuku atu nga pukapuka whakaatu i to koutou whenua me to koutou hiahia kia Riihitia me nga pukapuka patai mo nga tikanga katoa atu o taua mahi ki a te Hon. A. P. Rongowhitiao. Ko Ia te Minita o roto i te Kawanatanga mo taua mahi. Ko Ia hoki te Minita o nga whenua o te Karauna me nga whenua o te Iwi; maana hoki e haina tona ingoa, kia mau rawa ki raro i nga pukapuka mo nga mahi pera ka mana ai aua riihi i raro i nga tikanga o te Ture.
W. T. Tana Taingakawa Te Waharoa.
Tumuaki o te Kiingitanga.