Nga Mahi
A Te
Hui o Te Hahi Maori
O Te Takiwa o
Waikato
I Te Pihopatanga o Akarana.
I Huihui Ki Kohanga i a Maehe 23, 1875.
Auckland: William Atkin, Church and General Printer, High Street. 1875.
Nga Tangata o Te Hui Tuatoru.
Ko te Pihopa Te Tumuaki.
Nga Minita.
- *Rev. B. Y. Ahiwera.
- Rev. Heta Tarawhiti.
- Rev. G. Manihera.
- Rev. Hohua te Moanaroa.
Nga Mangai Reimana.
Mita Karaka | No Whaingaroa. |
Wirihana te Ao | No Kawa. |
Henare Ngatai | No te Akau. |
Te Waka te Koi | No Manuka. |
Hori Kukutai | No Kohanga. |
Hohaia Ngahiwi | No Makorau. |
Pene Whanatangi | No Taupiri. |
*Heremaia Tapuihi | No Whangape. |
Nga Korero o Te Hui o Te Hahi Maori o Nga Takiwa o Waikato, o Te Akau.
I huihui nga tangata no ratou nga ingoa i mua ake nei ki te whare karakia i Kohanga, a, ka mutu te karakia i te Hapa a te Ariki, ka timata te korero. Ko ta te Pihopa tenei:—I pouri ia i tera tau mo te korenga o te Hui ki Kohanga, whakaaturia ana te take i kore ai ia i tae ake, he rongo hoki nona ka kore he tangata mo taua Hui. Tetahi pouri ona mo to tatou kaumatua, mo te Ahiwera, kahore nei i tae mai i te ahua mate ona. Otiia tenei te kai whakapuaki korero mo Taupiri, ko Hohaia, he monita kaha ia, he mea kua matauria. Erua ona take i koa ai a te Pihopa, he hokinga mai no te Hahi o Waikato ki te ora; ara, tetahi, ko nga tangata mea ake nei ka whakaukia ki Taupiri, i te mea ka whitu nei nga tau i kore ai taua mea ki reira; tetahi take he whare karakia hou ka taia nei e ia te kawa ki te Akau. E aroha ana ano nga tuakana i Ingarani, me nga hoa o roto o te Hahi o tenei Pihopatanga, ki te morehu o nga Maori o Waikato; titiro hoki he maha nga mea i homai ki nga minita me etahi atu i te tau kua mahue nei. Tetahi tohe a te Pihopa kia uaua nga tangata o taua Hui ki te akiaki i to ratou nuinga kia whakatungia he kura mo a ratou tamariki; kia aroha hoki ki nga minita Maori e noho nei. A ma te Hui e whakaatuatu mai ki a ia a ratou mea i kite ai, nga ritenga ra e neke ake ai te mahi, e whakatupuria paitia ai te Hahi i tenei takiwa o tenei Pihopatanga. Ka mutu taua korero ka whakaritea a Rev. Hori Manihera hei kai tuhituhi, hei kawe i nga korero a te Hui kia perehitia.
Ko Nga Ritenga Enei i Whakatakotoria i Reira.
I.—Nga Mangai.
Kia tokorua Mangai mo te Pariha kotahi, pena tonu ki nga Pariha katoa. A, nga Mangai o tenei takiwa me tu tonu i nga tau katoa i te mea e ngaro ana nga kai whakakapi mo ratou. Na Rev. Hohua Moanaroa, raua ko Mita Karaka tenei kupn.
II.—Te Minita o te puwha o Waikato.
Ko te minita tuturu o tenei takiwa me noho tuturu ki Maraetai; ma te Komiti Mihinare tenei e whakaaro; ki te whakaaetia e te Pihopa. Na Te Waka raua ko Hori Kukutai tenei.
III.—Moni no Manuka.
He moni enei kua kohikohia e Ngatiteata hei hanga whare karakia mo te Pariha o Manuka e £20. Kua ngaro tenei moni ki nga tangata o te Kawanatanga; me whakaaro aua moni e tenei Hui; ma Hohua e tono aua moni. Tenei ano tetahi atu moni £l 14s. 4d. mo taua whare, me tapiri tenei ki tetahi moni kei a te Manihera, ara £10. Na Waka raua ko Wirihana tenei.
IV.
Ko nga huarahi mahinga a te Hui nei kia rite ki era i whakaaetia ki Hopuhopu i te tau 1873.
V.—Te ra me te kahnga mo te Hui hou.
Ki Taupiri te Hui a te tau 1876; hei te 4 o Maehe.
Tetahi korero ano i reira he hiahia no te Hui kia whakaurua etahi tangata Maori hei hoa mo nga kai tiaki o nga whenua o nga Kura Maori. Tetahi he whakaaro ano na ratou, ma nga Minita Maori anake e marena nga Pakeha ki nga wahine Maori. Engari kihai enei i tuturu.
Tapiri.
1874.—Nga Minita 3. Nga Kai karakia 8; Kai whakaako wahine 4 Tangata Kai Hapa 60. Tamariki i iriiria 19, Kau matua 2. Tamariki i te kura 20. Nga tangata i nga karakiatanga 429. No Taupiri me ona takiwa enei tangata; kahore o te Kongutuawa i whakaaturia mai; engari e 40 i kai i te hapa i taua taima. 120 i nga karakiatanga.
Nga Tahua Minita 1873-74.
Nga Ingoa. | Nga Moni. | Nga Hua. | I Nga Minita. | |||||||
1873. | 1874. | I riro katoa enei i nga minita. | ||||||||
£ | s. | d. | £ | s. | d. | £ | s. | d. | ||
No Te Ngaungau | 120 | 0 | 0 | 6 | 14 | 7 | 5 | 13 | 7 | |
No Tainui | 211 | 9 | 4 | 11 | 17 | 2 | 10 | 0 | 2 | |
No Kohanga | 200 | 0 | 0 | 11 | 4 | 3 | 9 | 9 | 4 |
Nga Kohikohinga Ke.
Riro Mai. | Riro Atu. | ||||||||
£ | s. | d. | £ | s. | d. | ||||
No Taupiri, 1873 | Ohaohatanga | 10 | 0 | 0 | I te Peita | 4 | 0 | 0 | |
Toenga, 1872 | 1 | 3 | 0 | I nga Kaiwhakaako | 3 | 0 | 0 | ||
Horoinga | 1 | 0 | 0 | ||||||
Toe ake | 3 | 3 | 0 | ||||||
£11 | 3 | 0 | £ | 11 | 3 | 0 | |||
No Taupiri, 1874 | Toenga, 1873 | 3 | 3 | 0 | I te Peita mo te Whare | 3 | 0 | 0 | |
Ohaohatanga | 9 | 0 | 0 | Kaiwhakaako | 2 | 0 | 0 | ||
Horoinga | 1 | 0 | 0 | ||||||
Toe ake | 6 | 3 | 0 | ||||||
£12 | 3 | 0 | £12 | 3 | 0 | ||||
No te Akau, 1872 | Kohikohinga | 26 | 13 | 0 | Mo te Whare Karakia | 96 | 0 | 0 | |
No te Akau 1873 me 1874 | Kohikohinga | 55 | 7 | 0 | |||||
Nama | 14 | 0 | 0 | ||||||
£96 | 0 | 0 | £96 | 0 | 0 |
* Kihai enei tokorua I tae ki te Hui.