Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of meetings on Māori Church matters, 1872-1888

[mōtini]

Timoti Tataura:—He patai.

Ahea ka whakamana te kupu i Hauraki mo nga kakahu nehu tupapaku mo nga Kaikarakia ? Te Tumuaki:—Ma nga Komiti Maori e hoatu he kakahu pera mo a ratou Kaikarakia.

Nikorima Poutotara:—He patai.

Me pehea te tikanga mo te wahine marena ina whakarerea tana tane ? Te Tumuaki:—Heoi ano te take i whakaae ai te Ariki kia whakarerea te wahine te tane ranei ko te puremu anake. Ekore te Hahi e whakatika i te marena a te tangata i te mea e ora ana te tane te wahine ranei i mahue.

Whakaaria e Rev. W. Turipona.

Tautokona e Rev. Hoete Matete.

He mihi tenei na te Hui ki a Atirikona Manihera i a ia ka koroheketia nei i tana mahi ki nga Maori. Ko te mahi e whakanuia ai tona ingoa ko tana whakamaoritanga i nga Karaipiture.

Whakaaetia ana.