Reports of meetings on Māori Church matters, 1872-1888
IV. — He kupu ki te Kawanatanga
IV.
He kupu ki te Kawanatanga.
E hoa e te Makarini, koutou tahi ko te Kawanatanga. Tena koutou.
He kupu tenei na te Hui o te Hahi Maori o te Atirikonatanga o te Waimate, i tu ki Oruru, wahi o Mangonui, i a Tihema 11, 1872. Ko te putake nui i kitea e taua Hui, ko te mate e pa nei ki nga takiwa maori, ara, ko taua mate, ko te waipiro e patu nei i te Maori: Koia i whakaaro ai tenei Hui kia whakaputaina atu he kupu ki a koutou, kia tahuri tahi mai tatou ki te rapu i tetahi tikanga e iti ai tenei mate nui i roto i a matou.