Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He Ture hei whakatikatika hei whakatopu i te Ture o te Kooti Whenua Maori.

Nga Whenua Kia Whakatapua

Nga Whenua Kia Whakatapua.

Matua korero. A Notemea he mea e tau ana ki te katoa kia whakatapua he whenua hei oranga mo nga Maori a ko aua whenua hei whenua tuturu rawa, kahore e taea te hoko te whakataimaha ranei, a e tika ana hoki kia wetekia nga here e mau ana ki etahi whenua i whakataua e te Kooti Whenua Maori i runga i etahi whenua i whakatapua ranei e nga Komihana hoko whenua e etahi atu tangata ranei a ko te toenga me whakatopu me ki hei whenua kia whakatapua mo ake tonu atu

Na Ka Meinga Hei Ture:

117.Ka whai mana te Kawana ki te tono kia wetekia nga here. Ka whai mana te Kawana ki te tono atu ki te Kooti kia wetekia nga here e mau ana i runga i nga whenua i whakataua ai he here i mua ka whakataua ranei a mua ake nei.
118.Ka whai mana te Kooti ki te whakarongo tono ki te whakatau. Hei reira ka noho te Kooti ki te whakarongo i taua tono, ka whai mana te Kooti ki te whakakore atu i taua tono ka whai mana ranei i runga i te whakaaetanga a nga Maori no ratou te whenua a te nuinga ranei o ratou ki te whakaputa Pukapuka Whakataunga i nga mea i raro iho nei, ara:—
(1.)Nga tikanga e whakataua ai. Hei whakakore i nga here e mau ana i runga i te whenua e whakahuatia ana i roto i te Pukapuka Whakataunga i era ranei o aua here e whakaaro ai te Kooti e tika ana kia wetekia.
(2.) Hei whakarite i etahi tikanga tiaki whakahaere ki runga ki aua whenua.
(3.) Hei tuku i i te whenua i runga i te Hoko, Riihi ranei hei tango hei hoatu ranei i te moni hei ritenga.
(4.) Hei whakahaere i runga i te whakahau a te Kooti i te moni e puta ake ana i tetahi Hoko hei hoko i tetahi atu whenua, hei whakamahi atu ranei ki tetahi mea tuturu e puta ake ai he hua i runga i nga tikanga tiaki me era atu tikanga e kitea ai e te Kooti he tika.
(5.) Hei whakapau moni i runga i te whakahau a te Kooti hei whakapai i te whenua o aua tangata ano.
(6.) Hei mahi i tetahi mea e oti ai enei i runga ake nei.
Te mananga o nga whakataunga. Ka whai mana tonu aua Pukapuka Whakataunga i runga i nga kupu o roto.
119.Ko te whakahaere a te Kooti ki rite penei mehemea he whakawa hou. Ko te whakahaere a te Kooti i runga i nga tono e whai tikanga ana ki nga whenua whakatapu ka whakaritea kia pera ano me tana whakahaere i runga i te tono Take Whenua.