.gif)
He Ture hei whakatikatika hei whakatopu i te Ture o te Kooti Whenua Maori.
Nga Tono Whakawa Tuarua
Nga Tono Whakawa Tuarua.
| 77. | Ka ahei te Maori e mahara ana e mate ana ki te tona whakawa Tuarua.
Mehemea e whakaaro ana tetahi Maori he mate i pa ki a ia i runga i tetahi whakataunga a te Kooti i whakataua i runga i te mana o tenei Ture ka whai mana ia ka whai mana ranei te Kawana ki te tono kia tuaruatia te whakawakanga engari me tuku atu taua tono i roto i nga marama e toru i muri iho o taua whakataunga a te Kooti.
Te huarahi mo te tono. Ko taua tono me tuku atu ki te Kooti me tuhituhi rawa i runga i nga ture whakahaere e whai mana ana.
Ma te Tumuaki o nga Kai-whakarite Whakawa e whakaae e whakakore ranei. Ma te Tumuaki o nga Kai-whakarite Whakawa e whiriwhiri taua tono mana e ki kia tu ano he whakawa tuarua a tetahi wa ki te wahi e whakahuatia e ia mana ranei e ki kia kaua e tu.
Whakawa tuarua kia rua nga Kai-whakarite Whakawa. Mehemea ka kiia kia tuarutia tetahi whakawa me whakawa ki te aroaro o nga Kai-whakarite Whakawa tokorua ma te Tumuaki o nga Kai-whakarite Whakawa e whakahua o raua ingoa a e pai ana ano mehemea ko ia ano tetahi o raua a ki te pai ia kia kotahi kia rua ranei nga Ateha e pai ana.
Me whakatau i ta te Kooti i kite ai he tika. Ka tu taua whakawa tuarua ka whai mana te Kooti ki te whakatuturu i te whakataunga o te tuatahi ki te whakarere ke ranei ki te whakatau i ana mea i whakaaro ai hei putanga ma te tika.
Ko te whakataunga te tino whakaotinga. Ka puta te whakataunga a te Kooti i runga i tetahi whakawa tuarua, heoi ano ko te tino whakaotinga tena kahore he korikoringa a muri atu.
|
| 78. | Ma te Kooti te whakaaro ki te ra e tuhia ki roto ki te Whakataunga, Tiwhikete ranei. Ko te ra e tuhia ki roto ki te Pukapuka Whakatau, Tiwhikete ranei a te Kooti i runga i te whakawa tuarua ma te Kooti e whakarite engari kaua ki mua atu o te ra o te whakataunga tuatahi. A ko taua ra e whakaritea ra te ra e timata ai te whai mana o te Pukapuka Whakatau o te Tiwhikete ranei. |