[Circular, 5 June 1876, about the Eastern Māori election poll petition]

Pakowhai, Hune 5, 1876.
Ki Te Runanga, Ki Raro O Te
Paramete O Nui Tireni.

Tenei Pitihana o nga tangata Maori, e noho ana ki roto ki te Takiwa Pooti Maori o Te Tai Rawhiti. E whakaatu ana:—

1.	Kua rongo matou kua tukua tetahi Pitihana na Henare Potae, e tono ana kia whakahengia, kia turakina te Pooti o tenei tau mo te Mema Maori mo te Takiwa ki te Tai Rawhiti.
2.	E tono ana kia koutou kia kaua taua Pitihana o Henare Potae o whai mana ki to koutou aroaro. No te mea e hara i nga tangata maori o taua Takiwa, e hara i te Mema i Pootitia nga he i korerotia, he take whakahe mo taua Pooti.
3.	E mea ana matou, na te Kawanatanga, me aana Apiha whakahaere Pooti tenei raruraru, me tau te he ki te Kawanatanga, me ona Apiha.
4.	Engari me whakamana koutou i taua Pooti kia tu a Karaitiana hei Mema mo taua Takiwa, heoi.