Whakawakanga tuarua o nga Kereme ki Ahikouka.
[Ahikouka Claims Rehearing.]
Whakawhaititanga.
Whakaingoatanga. | |
Matua korero. | |
1. | Ingoa Poto. |
2. | He tikanga mo te whakawakanga tuarua o nga kereme ki Ahikouka. |
3. | Ka whakakorea te Tiwhikete i whakaputaina e te Kooti Whakawa Whenua Maori ki nga tangata e mau nei a ratou ingoa ki te Apititanga Tuarua. |
Nga Apititanga. |
He Pire i Huaina.
Na tenei ka meingatia hei Ture e te Runanga nui o Nui Tireni e noho huihui mai nei ki roto ki te Paremete i runga hoki i te mana o taua Runanga nga ritenga kua tuhia i raro nei:—
1. | Ingoa Poto. Ko te Ingoa Poto me tenei Ture ko "Te Whakawakanga Tuarua o nga Kereme ki Ahikouka, 1874." |
2. |
He tikanga mo te whakawakanga tuarua o nga kereme ki Ahikouka.
Ahakoa nga ritenga i roto i "Te Ture Whenua Maori, 1873," me tuarua te whakawa ka taea hoki te whakawa tuarua e te Kooti Whakawa Whenua Maori i te aroaro o te Kai-whakawa kotahi o taua Kooti me tetahi Ateha kotahi te tono a nga tangata kua oti te tuhi ki te Apititanga Tuatoru mo te poraka whenua kua oti te whakaatu ki te Apititanga Tuatahi i raro iho nei, a ka whakawakia i te ra me te taima ka whakaritea e taua Kai-whakawa, kaua taua ra e puta i muri i te pahemotanga o te tahi o nga ra o Hurae, i te tau kotahi mano e waru rau e whitu tekau ma rima.
I raro i nga ritenga o tenei Ture, ko nga tikanga o taua Ture ka whai mana ki taua whakawakanga tuarua, ki nga kereme hoki nga take me nga tikanga katoa e pa ana ki tetahi ki etahi tangata ranei mo runga i taua mea, me pera te ritenga ano kua mana i tetahi Ota a te Kawana i roto i tona Runanga i runga i nga tikanga o taua Ture te whakawakanga tuarua i whakaaetia e tenei Ture. |
3. | Ka whakakorea te Tiwhikete i whakaputaina e te Kooti Whakawa Whenua Maori ki nga tangata e mau nei a ratou ingoa ki te Apititanga Tuarua. Ka whakakorea ka kiia kua noa i naianei te tiwhikete kua puta ka kiia ranei kia puta i te Kooti Whakawa Whenua Maori kua oti te korero i runga ake nei ki nga tangata kua oti o ratou ingoa te tuhi ki te Apititanga Tuarua; a ko taua tiwhikete me kii me whakaaro hoki (engari ka waiho anake kia whakamana i te riihi ka korerotia i raro iho nei) kahore rawa he mana o taua tiwhikete timata mai i te ra i kiia kia puta: Engari kahore he mea i roto i tenei Ture hei whakahe i tetahi riihi mo te whenua kua oti te whakaatu i roto, i taua Apititanga Tuatahi, i hanga i tukua i te te kau ma whitu o nga ra o Pepuere, i te tau kotahi mano e waru e whitu tekau ma rua, e Matiaha Mokai ma ki tetahi Hone Turi (John Tully), mo nga tau tekau ma wha, kua oti te korero ki roto ki taua riihi; [unclear: a] mo nga tikanga me nga whakahaerenga i raro i tenei Tura, engari kaua e nui atu e ahua ke ranei, a i runga i taua ritenga me kii ano kua mana taua riihi mo nga mea katoa. |
Nga Apititanga.
Nga Apititanga. Apititanga Tuatahi.
Ko tera piihi whenua katoa i te taha o te taha o te awa o Waiohine, i te Takiwa o Wairarapa, i te Porowini o Poneke, e mohiotia ana ko te ingoa ko te Ahikouka ki te Tonga, me nga moutere e rua e tu tata mai ana, ko te nuinga i runga i te ruritanga e 780 eka, nui ake iti iho ranei. Ko te rohe ki te Nota, ko te Poraka o te Matia 873 riki, 600 riki, 298 riki, 361 riki, 759 riki, me te Poraka o Ahikouka ki te Nota 1800 riki, 2900 riki, 1740 riki me te awa o Waiohine, ki te Rawhiti ko taua awa ano; ki te Tonga ko te awa o Muhunoa; ki te Kotiu ko te whenua o te Kuini, 4905 riki, me te awa o Waiohine, uru ana hoki nga moutere e rua i te kokorutanga ki te taha whakarua o aua awa.
Apititanga Tuarua.
- Matiaha Mokai.
- Wi Kingi.
- Tare Turi.
- Heni Turi.
- Moihi Tarahanga.
- Kereopa Te Oka.
- Makere Te Waitoa.
- Tiaki Turi.
- Hakopa Kaingakiore.