He whakamaoritanga tenei no etahi rarangi o etahi whakaaro i kitea e Te Matenga raua ko Te Hotereni hei ture hou mo nga whenua Maori. Ka tukua atu nei hei hurihuri ma nga tangata Maori o te Runanga o Nutireni.

Whakamaramatanga

Whakamaramatanga.

Rarangi.

2.	Ko nga whenua e kiia 'he whenua rahui' ki ta te ture nei, koia enei— (I.) Ko nga whenua kua oti te whakatapu mo nga tangata maori i roto i nga wahi whenua i hokona ki te Kuini, huia ki nga whenua katoa kua oti te whakatapu i runga i te mana o "te ture whenua rahui mo nga maori o Nutireni, 1856." (II.) Ko nga whenua i whakatapua mo nga tangata maori e Kanara Makereweti, i runga ranei i te kī a tetahi Komihana i whakaturia hei ata whiriwhiri i te tika i te he ranei o te hokonga whenua a Wairaweke ma i nga tangata maori. (III.) Ko nga whenua i whakatapua mo nga tangata maori e Wairaweke ma. (IV.) Ko nga whenua i whakatapua mo nga tangata maori e tetahi Kawana. (V.) whenua e tiakina ana e te Kai-tiaki whenua rahui i runga i nga tikanga o tenei ture.
6.	E pai ana ma te Kawana ratou ko tona Runanga e wehewehe nga motu o Nutireni kia whai-takiwa, kia whai-mana ai tenei Ture ki roto ki aua takiwa: ma ratou ano hoki e whakanui e whakaiti ranei aua takiwa ki ta ratou e pai ai.page 11
7.	Ma te Kawana ratou ko tona Runanga e whakatu he kai-whakahaere mo ia takiwa mo ia takiwa. Ko te ingoa mo taua kai-whakahaere "ko te Kai-tiaki whenua rahui o te takiwa o                      ." Ko aua tu kai-tiaki ka whai-mana i te mea ano e tika ana a ratou mahi; ki te mea e he ana ma te Kawana e whakataka.
8.	Ko nga whenua me nga taonga katoa i tiakina nei e te Kawana i runga i nga ture ka whakakorea nei e tenei ture, ma te kai-tiaki whenua rahui o te takiwa i takoto ai aua whenua, taonga ranei, e tiaki.
11.	I mua o te marama o                     , ia tau ia tau, me tuhituhi e te kai-tiaki whenua rahui he tino tatauranga mo nga moni o nga whenua taonga ranei i tiakina e ia, i te ra o                       tae noa ki te ra o                      , ka tuhi ai hoki ona whakaaro, ka tuku tahi atu ai ki te Minita mo te taha maori. Ma taua Minita e whakatakoto wawe ki te aroaro o te Runanga nui aua tuhituhinga.

Me matua titiro taua tatauranga moni e tetahi tangata mohio e paingia ana e te Kawana, me whakaae hoki he tika.

Home | Advanced Search | About | Help

© 2016 Victoria University of Wellington | Contact us | Conditions of use