Ki te Tumuaki o te Runanga Kau matua.

He. Kupu atu tenei na matou no nga Rangatira e noho nei ki Poneke.

E hoa tena koe ko ta matou kupu tu atahi he korero atu na matou kia koe, i te take i haere mai ai matou ki Poneke nei, kei ki koe he pokanoa na matou. Na te iwi nui tonu matou i tono mai ki to whakaronga i nga korero, ki te tirotiro i nga mahi o tenei whakaminenga. Waihoki ehara tenei Pukapuka i te whakahihi na matou, engari he whakaatu kia koe i te mamae i te tangi, i te pouri, i te aue o te ngakau, mo nga ritenga o tenei Pire i tapaea atu nei ki te aroaro o te Paremata, mo nga Whenua Rahui mo nga tangata Maori. Ko wai ra te tangata hei Waha i tenei Ture? Ekore rawa e taen e matou te whakataki i nga kupu kopikopiko o tenei Pire koia ta matou tino kupu tuturu kia waiho tenei Pire i te takiwa. E hoa, mau e ata titiro maitemamae nui, me to pouri, me te tangi, me te aue, mau ta matou tono e whakamana, kia kite nga iwi katoa, kia ata hurihuri mi ata hurihuri ai tena iwi tena iwi no te mea e whakahe ana tenei ture i te whenua, e whakamate aua i te tangata. Ae whakahe ana ia i te Ture a te Kuini. Ne te te moa e takahi ana i te putake i tupu ai te Paremata o tenei Koroni.

page 2

He Ture whakatina tenei ia matou, kahore hoki he Ture i penei mo koutou mo nga Pakeha; e kimi ana matou i te take o tenei mahi porahurahu a te Kawanatanga, i kiia hoki ka murua nga he o era Ture kua oti nei i mua, otira e mau tonu nei ano, ko tetahi he mea tuku whakarere mai tenei Pire, kahoro rawa matou i mohio noa ki nga ritenga o roto i tenei Pire, i rongo noa matou, i etahi rarangi e korerotia ana.

E rito an a tenei Ture ki te Ture mo nga Tamariki Pakeha, mo nga Pakeha haurangi, mo nga Pakeha porangi a e whakaritea ana matou e tenei Ture ki nga Tamariki ki nga porangi ki nga haurangi. Ki to matou nei whakaaro e hara matou i te iwi pena, i whakaritea ai nga tangata Maori ki nga porangi. Koia matou ka tono nei, kia waiho atu tenei Ture i te takiwa, kia panuitia marie tia tetahi Ture hou mo matou ki te reo Maori kia rongo katoa nga iwi e noho tika ana ki tenei Motu puta noa puta noa.