.gif)
Kaunihera Maori : he ture i huaina : he ture hei whakatakoto tikanga mo nga kaunihera i nga takiwa Maori, a hei whakatakoto tikanga hoki mo te mahi o aua kaunihera
Wahi II
Wahi II.
Ko Te Tu Tangata Hei Pooti Takiwa Me Te Pootitanga o Nga Mema Mo Te Kaunihera.
| 24. | Ko nga tangata katoa o te iwi Maori e noho tuturu ana i roto i te Takiwa o raro o tenei Ture, a kua tae ana ki te rua-tekau ma-tahi, ka tika, hei pooti Mema i raro i tenei Ture mo te Kaunihera. |
| 25. | Ka tika ma te Kaiwhakawa Tuturu o ia Takiwa, o ia Takiwa i roto i nga ra tekau-ma-wha o muri tonu iho o te whakari-tenga o te Takiwa, a hei te Taite tuatahi o Hanuere o ia tau, o ia tau, me tuhituhi i nga ingoa katoa o nga tangata kua rua-tekau-ma-tahi tau, ko o ratou nohoanga tuturu kei roto tonu i te Takiwa, he tangata e tika ana hei pooti Mema mo te Kaunihera i raro i tenei Ture. |
| 26. | Ka oti te tuhituhi nga ingoa ma te Kaiwhakawa Tuturu e whakapiri ki tetahi wahi marama i waho i te Kooti, me whakapiri atu hoki etahi ki etahi atu wahi marama o te Takiwa kia kite katoa ai nga tangata. |
| 27. | Me apiti ki taua pukapuka ingoa tetahi panui whakaatu atu i te kupu ka noho te Kaiwhakawa Tuturu i roto i nga ra kotahi tekau, haunga te Ratapu ki te whakarongo ki te korero a tetahi tangata o roto o taua takiwa e hiahia ana kia tuhia hoki tana ingoa ki rota i te page 4 pukapuka ingoa o to takiwa; a ki to tae mai tetahi tangata i roto i nga ra kotahi-tekau me whakarongo te Kaiwhakawa Tuturu ki tana kupu, mana e titiro te tika, te he ranei ki te tika me tuhituhi tana ingoa ki te pukapuka ingoa. |
| 28. | A ki te pahemo nga ra kotahi-tekau ma te Kaiwhakawa Tutura e tango taua pukapuka ingoa e hanga hoki tetahi Roru (ara pukapuka rarangi ingoa) o nga tangata katoa o te takiwa e tika ana hei pooti, a ma te Kaiwhakawa Tuturu e tiaki taua roru, a me waiho taua roru hei Roru ma nga Kai-pooti Mema mo te Kaunihera, mo roto i te takiwa i hanga ai taua roru, kia kotahi tau hei mananga mo taua roru: Engari mehemea ka oti tetahi roru te hanga i nga marama e rua i mua mai o te Taite tua-tahi o Hanuere o tetahi tau, kahore he take e hanga houtia ai tetahi atu roru, erangi me mana tonu taua roru. A me ki tonu taua roru ano no te Taite tuatahi o te Hanuere i hanga ai. |
Te ahua o te Pootitanga.
| 29. | Ki te rite tetahi takiwa te whakarite i raro i tenei Ture, ma te Minita ka tukua ki a ia hei whakahaere mo tenei ture e whakarite tetahi ra, kaua e iti iho i nga ra e toru ka tae ki te ra o te pootitanga, hei tukunga i nga pukapuka whakaatu mo nga tangata e kiia ana kia pootitia mo te Kauniheru ki te Apiha Kohi—pooti ka korerotia i raro nei; mana hoki e whakatuturu tetahi kainga hei whakaaturanga mo nga ingoa; mana hoki e tuku nga pukapuka o te whakahuatanga (o nga ingoa o nga mema e whakaturia ana kia pootitia), me era atu ahua pukapuka e kawea mai ana i tenei Wahi o tenei Ture, me ta katoa ki te reo Maori, a me tuku mai ki te Apiha Kohi-pooti. |
| 30. | Ko te Kaiwhakawa Tuturu o te Takiwa hei Apiha Kohi-pooti, a ki te kahore he Kaiwhakawa Tuturu, a mehemea ranei ka kitea e kore e tika kia whakaritea te Kaiwhakawa Tuturu hei Apiha Kohi-pooti, ma te Kawana i runga i tana whakaaro e whakatu tetahi Pakeha hei Apiha Kohi-pooti i raro i tenei Ture. |
| 31. | A mehemea e kitea ana e tika ana kia pootitia tetahi, etahi Mema ranei i raro i tenei Ture, ma te Kawana e panui ki roto i te Kahiti o Nui Tireni, te ra me te turanga o taua pooti a me panui hoki te wahi nga wahi renei e tata ana ki nga kai-pooti o roto o taua takiwa, ki reira ratou pooti ai: a ka tutura tonu taua ra hei pootitanga. |
| 32. |
Ka tika ki te Ture ma te Kawana ia wa, ia wa, e hanga, e whakaputa ke, e whakakore ranei nga tikango e tika ana kia hanga i raro i tenei ture nga mea ka tuhia i raro nei:— He whakatakoto tikanga mahi mo nga Apiha Kohi-pooti i raro i tenei ture. He whakatakoto tikanga mo nga Tapiri o te Apiha Kohi-pooti mehemea ka kitea te tika. He whakatakoto tikanga mahi pooti, he whakatakoto hoki i nga tikanga mo te whakahuatanga i nga mema, he whakata-koto hoki i te tikanga tuhituhi i nga pooti, he whakatakoto tikanga e pai ai te pooti, me te tikanga e mohiotia ai te otinga o nga pooti, me nga tikanga katoa o te whaka-haerenga o tenei Wahi o tenei Ture, me te tika me te pai hoki o nga whakahaerenga o nga pootitanga. A ko aua tikanga katoa ka [unclear: hanga] nei me waiho hei ture i roto i te takiwa e mana ai aua tikanga. |
| 33. | Ki te takahi ki te whakamanumanu ranei tetahi tangata ki aua tikanga mana e utu ko tana utu kaua e neke ake i te rua tekau pauna, ma te Kaiwhakawa Tuturu ma etahi atu Kaiwhakawa o rua e whakawa e whakatau. |
| 34. | Ma te Minita koia nei te Kaiwhakahaere i tenei Ture e whakahau kia taia ki te reo Maori, kia tukutukua hoki ki nga tangata Maori o te Motu, ki tana e pai ai. |