.gif)
Kaunihera Maori : he ture i huaina : he ture hei whakatakoto tikanga mo nga kaunihera i nga takiwa Maori, a hei whakatakoto tikanga hoki mo te mahi o aua kaunihera
Nga nohoanga o te kaunihera
Nga nohoanga o te kaunihera.
| 13. |
Ko te nohoanga tuatahi o taua Kaunihera, ma te Kawana tonu e whakarite he ra, he kainga hoki e huihui ai, a i aua nohoanga katoa mehemea kei reira te Perehitini, koia tonu he Tumuaki, mehemea ka hiahia pooti ia e rua ana. Ki te ngaro atu te Perehitini, e tika ana me pooti i roto i nga mema o te Kaunihera tetahi o ratou hei Tiamana mo taua nohoanga. |
| 14. | Ki te mea ka toko-rima nga mema ki te nohoanga me mana te Kaunihera (ki te iti iho e kore e mana), a ko nga tikanga katoa e homai ana ki roto ki taua Kaunihera kia tirotirohia, ma te maha o nga pooti e whakatau te kupu otinga, a ko nga mahinga me nga kupu whakaoti me tuhituhi katoa ki te pukapuka, a ma te Perehitini e tiaki taua pukapuka, mana ranei e whakarite tetahi tangata hei tiaki. |
| 15. | Kia rua nohoanga tuturu o te Kaunihera i roto i te tau, kaua e neke atu i te ono marama ka noho, a ko te kainga hei nohoanga mo te Kaunihera ia wa, ia wa ma taua Kaunihera ano e whakarite. |
| 16. | Ka tika ano ma te Perehetini raua ko te mema o te Kawana- tanga ia wa, ia wa e karanga te Kaunihera kia noho, mehemea ka kitea e raua he take e mahi ai i raro i nga tikanga o tenei Ture. Kia whitu nga ra e panui ai taua Kaunihera, ka tahi ka noho ki te wahi I whakaaroa e raua i roto i te Takiwa hei huihuinga tika. |
| 17. | Ka tika ano kia whakaputaina ki ia Mema, ki ia Mema, he utu mo nga ra i mahi ai te Kaunihera, ma te Kawana e whakatuturu ia wa, ia wa te tikanga o te utu.page 3 |
| 18. | Ko te utu mo te Perehitini, me te utu mo nga mema kua korerotia i runga i te whakahaerenga o nga tikanga o tenei Ture, me puta mai i nga Moni Topu o te Koroni. |