Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Ki Poneke, ki a te Makarini : e hoa, tena koe

Waiohiki, Akuhata, 24, 1872

page break
Waiohiki, Akuhata, 24, 1872.

Ki Poneke,

Ki a te Makarini,—

E hoa, tena koe. Tenei kua tae mai nga pukapuka a Ngatikahungunu ki au he pukapuka mihi mai mou, ko nga tangata Pooti mou i roto i te pukapuka e whitu rau, i timata mai tena Pooti mou i te Mahanga haere mai ki Nukutaurua, haere mai ki Nuhaka, haere mai ki te Whakaki, haere mai ki Taumatahinaki, haere mai ki te Wairoa, ka timata atu i Kihitu, haere atu ki te Uhi, haere atu ki te Waihirere, haere atu ki te Hatepe, haere atu ki Ruataniwha, haere atu ki Matiti, heoi puta noa i ona rohe katoa. Na e hoa, ko nga. tangata katoa o tenei rohe e Pooti katoa ana ki a koe e whitu rau. Ko nga rangatira o tenei Pooti.

Ko Ihaka Whaanga,
Ko Ihaka Makahua,
Ko Pita Tauhou,
Tamihana te Whatutuorangi,
Ko te Matenga Tukareaha,
Ko Paora Korori,
Ko Areta te Rito,
Ko te Ropiha Matorohanga,
Ko Hiamana,
Ko Karauria,
Ko Maihi,
Ko Paora,
Ko Maraki,
Ko Tamihana Huata.

E hoa ko nga rangitira tenei nana tenei Pooti mou o tenei rohe. Ka mutu tena.

E hoa tena koe, ka nui toku aroha atu ki akoe. E hoa tena koe, ka mutu.

No tou hoa,
Na te Moana.