Ki te Paremata, ki a Henera Rata.
E Ta,—
Tenei taku reta ka tuhia atu ki a koe mo taku waahi whenua e takoto nei ki Waipawa notemea i tinihanga e te Kooti notemea kahore i tika te mahinga a taua Kooti i taua whenua. Ko te raina a te hokonga ki a te Kuini i mahue i taua Kooti riro atu ana te hawhe o taku whenua. Koia ahau e totohe nei i nga tau katoa, notemea kei te mau nga rohe i runga i nga mapi, me taku mohio hoki ki nga rohe e man nei ki runga i te whenua. Ko te raina a te Kooti te raina i tenei taima. E mea ana ahau ko te raina o Te Kuini te raina tuturu, kahore ahau e pai ki te raina a te Kooti whenua Maori. He tono tenei naku ki te Paremata kia whai ritenga taua Paremata mo taku whenua kia hoki mai ki au i tenei taima, notemea e tautohe ana tetahi pakeha ki taua piihi whenua oku; no taua tangata, ki tana ki, taua piihi, ko ahau me te mapi ki te ki naku tenei piihi. Kua tono ano ahan ki a te Makarini mo taua whenua kia whakahokia mai taua piihi. Ki to kore he ritenga a te Paremata mo taku piihi ekore e mutu taku tautohe mo taku piihi whenua.
Na Heta Hungahunga.
He korero tenei mo te kupu a te Makarini i te tukunga o te whenua ki a te Kuini i Waipukurau. Taua kupu a te Makarini i mua, i mea taua tangata, ki te riro nga whenua, mana e homai tetahi piihi whenua i to whenua o te Kuini.
Na e mea ana ahau kia kitea ai e au te mana o te kupu a taua tangata i tenei taima. Koia ahau ka tono nei kia tirohia mai e taua Runanga tetahi ritenga mo te kupu a te Makarini i kiia e ia i waenganui i a matou i te taima i hokona ai a te Waipukurau. Na e tono ana ahau kia tukua mai nga eka moku hei whakarite i te kupu a te Makarini.
Na Heta Hungahunga.