Peria, wahi o Matamata,
Hurae 9, 1861.E Koro e Kawana,—
Tena koe. I te taenga mai o Te Wirihana, minita, ko tana kupu tenei I haere mai ia ki a au kia haere atu ahau ki Akarana, kia whakina atu aku whakaaro ki to [gap — reason: damage] [gap — reason: damage] whakina mai hoki au whakaaro ki toku aroaro. Heoi ana kupu. Ka ki atu ahau ki a ia, Waiha, maku e whakaaro i muri i a koe nei. Na, i te haerenga atu, ka rapu ahau i roto i nga ra i meri i a ia, ka whakaaro ahau ki toku ahua whakahihi, i runga i nga tohenga a te Runanga, an hoki ka hu[gap — reason: damage]i, taea noatia te ra i a Wi Maihi kua tae mai; katahi ahau ka hiahia kia haere atu, otiia mau e [gap — reason: damage] kia haere atu a[gap — reason: damage]au, ka pai kia whaki ahau i te take i tupu ai enei raru e mahia nei i Niu Tirani nei: koia taku pai kia o rawa ake to tatou tangata ketanga kua rongo koe i aku take. Te takiwa pai hei haerenga atu moku hei te ra e tu ai to Runanga Maori i Kohimarama, kia tokomaha ai nga tangata hei titiro i toku he, i tou hoki. Heoi ena kupu.
E Hoa e te Kawana. He kupu tenei naku, kia rongo ano koe i nga mea e pai nei ahau kia whakina ki to aroaro. E kore aku kupu e taea te hoki atu ki muri, heoi ano taku, ko nga kupu timatanga mau tonu, whaki atu ki to aroaro ko te timatanga ano, heoi tena. Me ui atu ahau i konei ki a koe, ki te kite koe i a aku tikanga [gap — reason: damage] mau tonu ana, pehea to whakaaro, ka whakahokia paitia ranei ahau e koe ki taku kainga, ka pehea ranei? Whakina mai tau whakaaro, kei a koe te tikanga o au whakaaro. Heoi.
Na W. Tamihana.
Ki a Kawana Paraone.