Other formats

    TEI XML file   ePub eBook file  

Connect

    mail icontwitter iconBlogspot iconrss icon

Letter from William Thompson to His Excellency the Governor relative to terms of peace

Ngaruawahia, Hune 7, 1861

[i roto i te reo Pākehā]

Ngaruawahia, Hune 7, 1861,

E hoa, e te Kawana,—

Tena koe. He kupu atu tenei na te Runanga Maori ki a koe. Whakarongo mai! Tenei ta [gap — reason: damage] whakaaro ki a koe. Korerotia te mate mo tenei motu i te tuatahi, muri iho ko te riri; kei [gap — reason: damage]tia to tikanga me to Taranaki, i mahia nei e taua i roto i te pouri, kihai nei matou i mohio ki te pai o tera pakanga. Engari me ata whiriwhiri marire hoki e taua tenei takiwa. Ko ta matou whakaaro [gap — reason: damage] i roto i enei ra; — kua rongo matou ki te korero e hau mai nei te rongo i roto o Waikato, ara, ko taua korero no kona, —e tohe ana te Tiauara kia whawhaitia a Waikato. Me he mea he tika tenei [gap — reason: damage]re tuhia mai; ko te korero ki mua. Ata hurihuri mai ana koe; ko to ata hurihuri tenei, whakahokia atu nga Hoia, e rangona atu nei, kei te tahi i nga rori, ka hanga he Pa mo nga Hoia ki Te Ia. ki ia wahi ki ia wahi. Ko ta matou whakaaro tenei, kaua e hohoro ki te riri; ata maharatia e tatou te [gap — reason: damage] a Hemi, Kia puhoi ki te riri kia hohoro ki te whakarongo. Koia nei, e Te Kawana, ta matou whakaaro kia tirohia e koe ena mea te whawhai korero, mo te he o nga Maori kia ata takoto marie, kia kitea nuitia e te kanohi o te iti o te rahi, hei reira ka hohoro ai ki te riri. Tenei ta matou; ekore matou e oho ki te riri; engari, kia kite te kanohi, kia rongo te taringa, matau ana ki te ngakau, katahi matou ka mohio ki te pai o te riri, ka tika hoki te take o te whiu e whiua ai nga tangata kino, ara matou nga Maori. Ko tenei, e hoa, puritia tou ngakau riri ki nga wahi katoa o Niu Tireni: me waiho [gap — reason: damage] [gap — reason: damage] whawhai ma te ngutu anake. Kia penatia he huarahi ma tatou, he ara roa tena, ka roa o tatou ra ki tena whawhai. Kei tukua e koe ki te mahi a te ringaringa, he ara kino tena, he ara poto, e kore o taua ra e maha i runga i te mata o te hoari. Otira, mau e mahara mai enei tikanga, ma te tamaiti matamua a te Atua. Kaua taua e tukua kia haere i te ara turara, tukua tana i te ara awhio: he ahakoa awhio he awhio tuawhenua. Ehara te ara horipu, ko te rourou iti a Haere; tena, [gap — reason: damage] koa taua i te ara awhio, ko te tokanga nui a Noho tena. Heoi ano. E hos, mau e mohio ena whakatauki: kei muri etahi. Heoi.

Na te Runanga Maori.