E koro ma, kua tae mai a Wiremu Maihi kia au, kua korero ia kia au. A kua marama toku ngakau i ana kupu i ata whaki marrire, no reira au i hiahia ai ki te haere atu ki Akarana. Ko te taima tika mo taku haere atu, ko taku ka whakahau atu nei. Me whakatu te tuarua o nga Runanga a te Kawana, pera me Kohimarama, kia haere atu au ki kona.

Ki te pai koutou ki toku haerenga atu, me hohoro te whakahoki mai i a Maihi ki te tiki mai i au.