E hoa e Wiremu, (Te Pokiha.)

Kai-tuhituhi mai o te pukapuka kia Pene Pukewhau. Kua tae mai to reta, i mea mai nei kia hoatu nga pu, nga paura ki a Kawana, Whakarongo mai, kahore he pu he paura i riro mai. Kua kite hoki nga Pakeha katoa i te kaunga mai i te moana o nga mea i ora. Ko a ratou pu paura poto katoa atu ki te moana.

Ko nga mea tenei i ora mai o tenei iwi o Ngatihaua me Ngatikoroki.

• Tamati Waka
• Ko Kepa
• Rihia
• Riki
• Paora
• Taniora
• Heta
• Tarati
• Eparaima
• Reweti Waikato
• Wiremu
• Matenga
• Rawiri
• Tutaki
• Poke
• Te Pakaroa
• Patihana
• Ko ahau

Ko Ngatimahuta, ko Ngatihinetu, me Ngatiterau, me Ngatiwhanaunga, me Ngatihikairo, me te Ngaungau, me Ngatihine, me Te Patupo, me Ngatinaho.

• Ko Ngakapa
• Karihau
• Paora
• Henare
• Arapiu
• Erueti
• Henare
• Paora
• Kingi Waikawau
• Hone
• Tamati
• Pene Pukewhau
• Hone Parengarenga
• Himiona
• Erueti
• Haimona
• Toma
• Ka mutu.

Ko nga pu paura pau katoa atu ki te moana, hore rawa tetehi kia riro mai. Kei mea mai koe e huna ana ahau, kao, he tika tonu, tika rawa. E me ana koe, kei te hapai patu ano ahau i enei takiwa.

A me ki atu e au tena kupu, mehemea he hiahia to toku ngakau kia hapai patu, penei kua noho atu au i Paetai, i reira hoki etehi iwi atu o matou e noho ana e 200 tangata me nga pu ano, paura hoki. Kia mohio koe, ekore ahau e ahei te mau patu i runga i nga ki maunga-rongo o nga rangatira o Waikato kua riro atu na.

E hoa, kia rongo ano koe, i haere atu ano he whakauru a nga 200 i hoe atu i te moana u atu ki uta haere atu ana, eke atu i tetahi hiwi, kua kite atu i nga haki ma kua tare mai. Heoi ano, noho tonu iho i runga i taua hiwi, a ka tae mai hoki a Himi awhekaihe raua ko Teremie, kua ki mai, kua mau te rongo. Na, hoki tonu mai nga 200, hoki tonu ki tona kainga, ki tona kainga.

E hoa, engari nou anake te taha kei te mau patu i roto i enei ra, ara, ko te Tima e mahi haere nei i roto o Waikato, e hanga haere nei i te pa, ka oti, nuku mai; ka oti, nuku mai. Ko tenei, me noho atu te Tima. Kati te haere mai.

Ko te pukapuka utu tenei mo ta Tamihana.

E nga rangitira katoa o Waikato. E Pene Pukewhau.

Kau tae mai ki ahau to puakapuka o te 2 o Tihema. E tama ma. Ko aku kupu enei ki a koutou, me haere tika a te Tianara ki Ngaruawahia; me tare te haki o te Kuini ki reira, ka tahi ka korero atu ahau ki a koutou.

Ko te pukapuka A Tamihana Ki nga herehere.

Ki a Ngatihaua ki a Waikato, Hikairo, Mahanga, ki a Ngatiteata ki a Tainui. Tena koutou, e koro ma, e hoa ma, e tama ma, tena koutou. Kau tae mai ta koutou kupu ki a moutou! e kore matou e mama ki te whakarite i ta koutou kupu. Kahore i ta noa o matou manawa, i te mate ki a koutou, i te panapananga hoki a te hoa-riri. Kei te ihu te manawa.

Ko ta matou mahi i muri i a koutou nei, he whakaririka ki ta koutou kupu; he kawhaki tonu i a matou. Ka neke mai te Tima, ka neke hoki matou. Ka pena tonu matou i roto i enei ra. Heoi nga kupu ki a koutou. Hei kona ra koutou. E mahara ana ahau e ora ana koutou. Kotahi ano to koutou mate, ko te herehere. Ko matou kei te mate rawa. Heoi tena.

Ko nga kai-a-kiko kua mate, ko Tereiti, ko Te Whakarite. Kua mate enei.