Ki a te Kawana Kerei.

E koro, tena koe e taku hoa aroha. Kua tae mai tau pukapuka ki a matou ko au tamariki, kua marama o matou nei ngakau. Heoi tena.

Kia rongo mai koe. No nanahi no te Taite i turia ai te runanga a Ngamahanga, no taua pukapuka nei naku i tuhituhi atu ki a ratou kia haere mai kia rongo i ta maua Kupa ko taku tamaiti ko Komene. Ka huihui mai ratou ka tu a Komene ki te pou i nga rakau e toru, he ritenga mo nga pukapuka e toru. Ko te upoko tenei o a maua nei kupu ki te runanga nei, ka whakamaramatia e Komene nga ritenga, a ka au. Ka to au ki runga, me tau pakapuka, ka karanga au ki ie whakaminenga, Whakarongo tatou ki te kupa, kua hoki mai te whenua o te tangata ke i a to Kawana, koia au i karanga ai ko Pouakai tenei e tatou. Te tuarua o aku kupu ra, ko Tataraimaka, kia hoki ano ki o te Kawana. Ka mutu i konei aku. Katahi ka tu a Komene ki te panui i nga puka-puka me te whakamarama tonu atu i nga ritenga o roto, oti noa, Kei runga ko Minarapa. Ko ana kupu enei: ekore ia e pai ki te unahi, ko ia anake i a te iwi. Kei runga ko Paraua, ko taua kupu ano. Kei runga ko Iharaira, ko taua kupu ano. Engari ia Te Pirini, ko tana kupu tenei: kahore e pai kia heke tona toto ki te whe-nua Pakeha. Te Kawana: te kupu whakautinga a Ngamahanga kei ie taenga mai ki Tutare, katahi ratou ka korero ki a koe. Heoi a maua kupu.