| 1. | Ko nga mahi katoa kihai i whakaritea i roto i enei tikanga e takato ake nei, ma te Temuaki o te Runanga e whakarite. |
| 2. | Ko nga ra mahi mo te Runanga koia enei;—ko te mane, te Turei, te Wenerei, me te Paraire, ki te kahore e whakaritea ketia e te Runanga. |
| 3. | Ko te tekau o nga haora i te ata ka noho te Tumuaki o te Runanga ki tona nohoanga, ki te kahore, tetahi atu haora i whakaritea e te Runanga. |
| 4. | Ki te pahure te hawhe haora kotahi i muri iho i te haora i karangatia nei, a kihai, i kitea mai te hunga toko ono hei whakarite mo te Poarama kia nukuhia e te Tumuaki o te Runanga te huihuinga ki te haora i whakaritea mo te aonga o te ra. |
| 5. | E tomo noa mai te hunga whakarongo korero ki enei huihuinga, ko te mea ia, ki te hiahia tetahi o te Runanga kia hoki atu ano taua hunga ki waho, me tono atu e te Tumuaki kia hoki ki waho. |
| 6. | Ka mutu te whakahua te inoi e whakaritea mo te Runanga, me korero, me whakaae nga tuhituhinga o tera huihuinga. |
| 7. | Ko nga kupu whakaari kua oti i mua te whakakite mai, ko konei whakaarohia ai. |
| 8. | Ko nga kupu whakaari mo tera atu huihuinga, me whakakite mai i roto i nga wa katoa e atea ana, he whakapuakanga mai. |
| 9. | Ki te whakatika tetahi o te Runanga ki te korero, me ahu-atu tana korero ki te Tumuaki o te Runanga. |
| 10. | Ko nga korero whakahaere tikanga katoa mo te Runanga ma te Tumuaki o te Runanga e whakaoti. |
| 11. | Ma te Tumuaki o te Runanga e ata titiro te tangata e korero ana, kia tau tonu ana kupu ki runga ki te timatanga o tana korero, aua e kotiti ke, aua ano hoki tetahi e whakararu i nga korero a tetahi. |
| 12. | Aua e tuarua te korerotanga a te tangata i runga i te tikanga kotahi, erangi ka-noho-komiti te Runanga ki te hiahia korero tetahi, ko kona, whakaaetia ai kia taki rua ona korerotanga. |
| 13. | Ko te kupu kua hurihurihia, kua whakaetia e te Runanga, auaka ano e tuarua whakaputanga mai i roto i nga ra o taua Runanga, a ki te whakaaria, ki te tautokona mai te kupu penei, auaka e whakaaetia e te Tumuaki. |
| 14. | Aua e tirohia te kupu whakaari a tetahi, ki te mea e kore taua kupu e tautokona ake. |
| 15. | Ki te whakakitea mai tetahi pukapuka whakaari mo te whakaritenga komiti whiriwhiri, me tuhituhi, ki taua pukapuka whakaari nga ingoa o nga tangata e hiahiatia ana mo taua komiti. |
| 16. | Aua e whakaaetia e te Runanga tetahi Ture, kupu whakariterite ture iti, aha noa ranei, i te mea kahore ano enei tikanga i whakaritea.
| (1.) | I kiia kia korerotia tuatahitia. |
| (2.) | I hurihuritia takitahitia e te komiti whakarite o te whare katoa. |
| (3.) | I hapainga i runga i te tikanga i korerotia a taua komiti; auaka ano hoki e whakaputaia ketia etahi o nga tikanga o tetahi ture i te mea kahore ano i komititia e te whare katoa. |
page 9.gif) |
| 17. | Ki te hiahia te Runanga kia apitia ano etahi "Tikanga mo te mahi" ki enei kua tu nei, e ahei ano te pena e ratou. |
.jpg)
