Ture V.
Ingoa. He Ture Mo Te Whakaritenga I Nga Minita Mo Nga Pariha.

Me whakatuuturu tenei e nga Pihopa, e nga Minita, e nga Reimana o te Hahi o Ingarani o Aearani i Nui Tirani, mine rawa ki te Hinota Nui:—

1.	Te Minita ma wai e whiriwhiri. I te mea ka watea tetahi Pariha, me rapu he Minita, me whakahua tona ingoa ki te Pihopa kia whakanohoia ki taua Pariha, e etahi Kaiwhakahua: ko enei hoki me momotu i ia tau, i ia tau, etahi e te Hinota Pihopatanga, etahi e te Wetiri o te Pariha. Ma te Hinota Pihopatanga e whakarite te tokomaha o nga Kai-whakahua ma te Hinota, ma te Wetiri, ma reira ano hoki e whakarite te wa me te tikanga mo te motuhanga i aua Kai-whakahua. Otira, Kaua nga Kai-whakahua e anga wawe ki te whakahua i tetahi Minita mo tetahi Pariha watea, engari kia maatua whakaaturia ki te Pihopa, ki tona Komihari ranei e te Hinota Pihopatanga, e te Wetiri hoki o te Pariha, nga mea kua rite hei oranga mo te Minita.page 9
2.	Kia kotahi, kia rua, kia toru ranei nga Tikanga mo te Whakahuatanga. Minita e whakahuatia atu ki te Pihopa: Kia rua nga wehenga tuatoru o te huihui o nga Kai-whakahua katoa, kia maha atu ranei hei whakaae, ka whakahua ai.
3.	E tika ano kia whakatakotoria e te Hinota Tukunga atu o te whakahuatanga ki te tangata ke. Pihopatanga he tikanga e tukua atu ai e te Huihui o nga Kaiwhakahua ta ratou mahi ki te tangata ke; e tukua ai ranei tetahi wahi o to ratou mana mo te whakahua Minita ki te tangata e whakawhiwhi ana i te Hahi ki te rawa; kia rite ki te Tuuturu a te Hinota Nui i whakatakotoria i te 24 o nga ra o Maehe, 1859.
4.	Ko nga Kai-whakahua o te wa e mahue Nga kai whakahua kia kaua e whakawhitia i te wa e watea ai te Pariha. Minita kore ai tetahi Pariha, e kore e nekehia atu e o ratou whakakapi a, kia oti rawa ra ano tetahi Minita te whakanoho.
5.	A, no te mea he mahi na te Pihopa te Whakanohoanga e te Pihopa me te apiira hei pehi mo te whakawhakakahoretanga. tirotiro i te ahua pai o nga tangata e whakanohoia ana hei Minita Pariha, ma te Pihopa e whakanoho tetahi o nga tangata e whakahuatia ana e nga Kai-whakahua, ki te kitea e ia tona ahua pai; a, ki te kore e kitea e ia te ahua pai o tetahi o ratou, me whakaatu e ia ki nga Kai-whakahua tana whakakahoretanga, me hoatu hoki e ia ki te Minita i whakakahoretia, tuhituhi rawa, nga take i whakakahoretia ai ia: Otira, ki te hiahia nga Kai-whakahua, te Minita ranei i whakahuatia kia hurihia te whakakahoretanga a te Pihopa, mana, ma ratou ranei e apiira atu ki te Whare o nga Pihopa, (kia takoto ano ia te apiira i roto i nga marama e rua) a, ki te whai tikanga taua apiira ki te titiro iho a te Komihana Tuuturu o te Hinota Nui, me whakaatu e te Pihopa ki te Whare o nga Pihopa nga take o tana whakakahoretanga, a, ki te iti nga take ki ta ratou whakaaro iho ma ratou e ki kia whakanohoia te Minita.page 10
6.	Whakawateatanga. Ki te hiahia tetahi Minita ki te whakawatea i tona Pariha,. me tuhituhi atu e ia ki te Pihopa tana pukapuka whakawatea; kaua ano ia e whakarere i ana mahi, kia oti rawa te whakaaetanga o tana whakawateatanga te tuhituhi ki roto ki te Rehita o te Pihopatanga, kia oti ano hoki te whakaatu atu e te Pihopa ki nga Apiha o te Pariha.
7.	Tikanga mo nga Karakia ki te Atua i te wa o te wateatanga. I te mea kahore ano kia whakatakotoria tetahi tikanga ke e te Hinota Nui, e tetahi Hinota Pihopatanga ranei, me tuku te Whare Karakia, i te wa e watea ai te Pariha, e nga Hahiwatena, e nga Kai-tiaki ranei o te wahi i tu ai taua Whare Karakia, ki te Minita e whakaritea e te Atirikona, e te Ruratiini ranei, kauaka hoki e tukua ki tetahi atu.
8.	Pananga i te Minita. I te mea kua oti tetahi Minita te ata whakanoho ki tetahi Pariha, e kore e ahei te pana atu i a ia ki te kore ia e pai, engari ma te ki anake a tetahi Runanga i whakaturia marietia e te Hinota Nui mo tenei mea; a, i te mea kahore ano kia whakaturia he Runanga pera, ma te Pihopa e whiriwhiri etahi Komihari hei hoa mona, a ko ta ratou ki hei whakakapi mo ta tera Runanga: Otira, hei nga wa e pai ai mo te Hahi kia whakawhitiwhitia etahi Minita, ma te Hinota o te Pihopatanga e whakarite te whitiwhitinga; e tukua ano kia takoto he apiira pehi mo te nekehanga i te Minita i nga Kai-whakahua o te Pariha e tangohia atu nei te Minita i reira; i nga Kai-whakahua ranei o te Pariha e whakanohoia ana te Minita ki reira; i te Minita ano ranei, ki te Runanga e whakaturia mo tenei mea e te Hinota Nui.
9.	Whakamaaramatanga. I te mea e whakamaramatia ana tenei Ture, ko te tikanga o tenei kupu, o te "Hinota Pihopatanga," ko tetahi Runanga i ata whakatu-page 11 i runga i te Ture i whakatakotoria nei i tenei whakaminenga o te Hinota Nui mo te whakaturanga o nga Hinota Pihopatanga; a, i te mea e marara atu ana te Hinota Pihopatanga, ko te Komiti Tuuturu o taua Hinota hei whakarite i nga mea e korerotia ra i te rarangi 2.

A, i te mea kahore ano kia tu he Hinota i tetahi Pihopatanga, ko te Poati ote Atirikonatanga o roto o taua Pihopatanga: Ko te tikanga hoki o tenei kupu, o te "Pariha," ko tetahi wahi i motuhia marietia i runga i tetahi tikanga i whakatakotoria e te Hinota Nui ranei, e tetahi Hinota Pihopatanga ranei; a i te mea kahore ano tetahi Pariha kia motuhia peratia, ko te wahi i kiia e te Pihopa hei Pariha.