Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Further Papers Relative to Native Affairs

Tari Hekeretari Maori, — Whare tuhituhi o nga Kaiwhakawai Maori. — Kaikohe, 8th Hurae, 1861

page 8
Tari Hekeretari Maori,
Whare tuhituhi o nga Kaiwhakawai Maori.
Kaikohe, 8th Hurae, 1861.

E hoa, e te Kawana

Tena ra ko koe! kua tae mai to pukapuka o 20 o nga ra o Hune, a kua [unclear: kite] matou i nga kupu katoa o taua pukapuka ko te kupu a te Henere Kepa kia a koe, kihai ahau i matau ki te otinga paitanga ina hoki e tohe ana ano te ruri whenua i runga i ta matou whenua, heoi, kua karangatia e matou au kupu ki nga kai ruri whenua kia akona kia tupato kei tupu ake te raruraru, e tika ana, me ako ratou me whakatupato, otiio ko ta matou kupu tenei ki a koe kia whai turetia nga kia—ruri whenua pakeha kia kaua e ruri i ngo wahi kua oti te ruri e matou, ta te mea e kite ana matou i te he o nga pakeha ruri whenua, ina hoki ka ruri a Pepene i to matou whenua ka oti muri iho ka tonoa e tetahi atu tangata, ka haere ano ia ki te ruri i taua wahi kua oti ra ano i a ia muri iho, ka tonoa ano e te tahi atu tangata kia haere ki te rari ka haere ano ia ka pakaru ano to mua. Na ko te he tenei o nga paheha i kitea e matou na te manawanui te kupu ai tenei kino koia matou i mea ai kia tukua atu e koe he ture arai ia ratou mo nga wahi totohe a nga tangata Maori kia kaua ratou e haere ki te ruri i nga wahi tau tohetohe engari hei whenua pai kahore he totohe e pai ana, heoi, ma te tari hoko whenua e whiriwhiri ena kupu ma ratou e tuku te ture arai i a Pepene i nga kai ruri katoa; heoi ano ena kupu.

Na tou hoa aroha,

Na Te Hira Pure,
Na Hare Reweti Haehae.

Kia te Kawana,
Akarana.