Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He Tikanga mo te Whakarite Whakawa kia pai ai

V. Mo Te Whai Reo Ki a te Kawana

V. Mo Te Whai Reo Ki a te Kawana.

  • 12. Ki te pouri te ngakau o te tangata ki te taimaha o te utu i karangatia e te Kai-whakarite ratou ko ona Hoa, ki te mea hoki tona whakaaro, ko te utu i nui rawa ake i te he, na, ka tukua he putanga reo mana ki a Te Kawana.

    Ma te Kawana e tono tetahi Kai-whakawa Pakeha ki te whakataki i nga kainga katoa, i tenei takiwa i tenei takiwa, hei whakarongo i nga page 7mea pera, ka korero ai ki a ia. Na, ki te pai a te Kawana, mana te tikanga kia whakamamatia taua utu, kia rite ki te he. Engari, mehemea ka kitea e te Kawana i tika ta te Kai-whakarite ratou ko ona Hoa, a kahore he take i whai reo ai te tangata ki a ia, na, ka tapiritia tetahi wahi ki te utu i whakaritea i te whakawakanga. Engari, ko te wahi e tapiritia, kaua e neke ake i te Rima Pauna.

    Otira, e kore e tukua te tangata i whakawakia kia pupuri i te utu i whakaritea kia utua e ia, i runga i tona whai-reotanga ki a te Kawana.

    Mehemea kahore i neke ake i te Kotahi tekau Pauna te moni i whakaritea kia utua, ekore e tukua he putanga reo ki a te Kawana ma te tangata e whakawakia ana.