Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He Tikanga mo te Whakarite Whakawa kia pai ai

III. He Whakawa Moni, Taonga Ranei

III. He Whakawa Moni, Taonga Ranei.

  • 10. Tenei ano hoki etahi mea hei whakarite ma te Kai-whakarite, ara, he Whakawa Moni, Taonga ranei.

    He tini noa iho nga tikanga o enei mea whakawa. He penei etahi:—

    1.He mahi na tetahi tangata i te maara a tetahi, a kahore i utua: he taonga ranei no tetahi i riro i tetahi, he mea hoko, a kahore i utua: tena atu hoki, tena atu hoki, he mea pera. Ko te take o enei whakawa, he whakaaetanga na tetahi ki tetahi, taka ana ta tetahi, na reira i mea ai ki te whakawa.
    2.

    Tenei ano hoki etahi. He mahi he na tetahi tangata, he mahi whakaarokore ranei, engari, kahore i meatia i runga i te ngakau kino, a na taua meatanga ka pau nga kai a tetahi atu tangata, ka kino ranei ona rawa, aha ranei, aha ranei.

    Kei enei tu Whakawa, ekore e meinga tona take i tupu ai hei Hara. Engari, he tautotohe kau. Ki ta tetahi, kei a ia te tika; ki ta tetahi, kei a ia.

    Kei te whakaritenga i nga Whakawa penei, mehemea ka kitea e he ana ta te tangata nana te whakawa. heoi ano, kua mutu. Erangi, mehemea ka kitea kei te tangata e whakawakia ana te he, na, ka whakahokia ki tera tona taonga, moni ranei, page 6ka tapiritia ano hoki etahi hei utu mo te pupuri he a tenei; ko nga utu mo te pupuri he, kaua e neke ake i te Rua Hereni mo te Pauna Kotahi.