Other formats

    TEI XML file   ePub eBook file  

Connect

    mail icontwitter iconBlogspot iconrss icon

Proceedings of of the Kohimarama Conference, Comprising Nos. 13 to 18 of the "Maori Messenger."

Na Parawhau. No. 3

Na Parawhau. No. 3.

Kohimarama,
Hurae 14, 1860.

E hoa, e te Kawana,—

Tena ra ko koe! He kupu taku ki a page 12 koe. E whakamanawa nui ana ahau ki nga kino o te ao. Na, i mua ka whawhai taku whanaunga ki te Pakeha, kahore au i whakatika.

Muri iho he whenua te take, ko Mangakahia, tata ana matou ki te mate, ka mahara matou ki te Kawanatanga, ka whakaorangia matou e matou ano. Muri iho he wahine te take, na Pene i kahaki. Haere atu au ki te tiki atu i taku wahine, tangohanga mai e Ngapuhi, mate rawa taku tamaiti; ka mahara matou ki te Kawanatanga, kahore matou i mahara ki tena tangata, ka waiho ki runga ki te ture. Muri iho, he whenua te take, ko te Wairoa, e mohio ana hoki koe. E whawhai ana a Paikea raua ko Te Tirarau, tata ana matou ki te mate, ka mahara ano matou ki te Kawanatanga, a ka whakaorangia ano matou e matou ano. Na, e hoa, e Kawana, koia tenei ko taku whakamanawanuitanga ki nga kino o te ao, ara, ki te ture o te Kawanatanga.

Na, e hoa e Kawana, e kore Ngapuhi e pai ki tenei Kingi ka whakaturia nei. Heoiano [unclear: la] matou i pai ai ko te ingoa o te Matua, o te Tamaiti, o te Wairua Tapu, ara ko te Kuini, ko te Kawanatanga, ko te Ture hoki. Heoiano aku kupu ki a koe.

He Waiata:
Kaore te ki patu
Te makere noa i te ngutu,
He puoru waihoe
I a Te Rehu i runga,
E manatu ana roto
Ki te hau korero
E herengia koia te rakau kahuhua.
Ko to tinana ra
Te waiho atu i te hoa.
To kai waewae
Te tuku mai ki ahau
Kia huaia atu
E aro tauana mai,
Ka titiriwha,
Te ripa Kinikini.
Ki nga tai omanga
I te ipo Mokau,
Me ruku ware au
Te reinga tupapaku.
Me whakamau kau
Ki Morianuku,
Ki taku tahu tupu,
I awhi ai maua.

—Heoi ano te kupu.
Naku, na tou hoa aroha,
Na Taurau Te Tirarau.

Ki a te Kawana.