Other formats

    TEI XML file   ePub eBook file  

Connect

    mail icontwitter iconBlogspot iconrss icon

Proceedings of of the Kohimarama Conference, Comprising Nos. 13 to 18 of the "Maori Messenger."

Na Ngatikahungunu. No. 4

Na Ngatikahungunu. No. 4.

Hurae 14, 1860.

Ki a te Kawana.

E hoa e,—Tena ra koe! tenei ahau kua tae mai nei ki tou aroaro kia rongo atu ki au kupu. Ko te kupu e rapu nei ahau, ko enei kupu kua korerotia mai nei e koe, ara, te kupu nei, kia piri tonu te Pakeha raua ko te Maori, kia noho tahi raua, kia mahi tahi, kia mau ki te whakaaro kotahi. Ko taua kupu, na nga Kawana tuatahi tae noa mai ki a koe inaianei. Kotahi ano ritenga o a koutou kupu, mo te pai anake. E hoa, me ki atu ahau ki a koe mo tenei kupu, kei te piri ko o taua tinana, ko te ngakau e tauwehe ke ana,—ou, o te Pakeha, oku hoki, o te page 43 Maori. Ko nga tikanga nana i wehewehe ko te kupu a etahi Pakeha tutua, rangatira hoki, e ki ana, he kuri noa iho ahau, te Maori, inaianei ki a koe. E hara hoki ina ianei enei kupu, no te orokotimatanga mai ano ou, o te Pakeha, ki tenei motu i mau ai ki taua kupu; a e haere tonu nei ano aua kupu. Kotahi anake kupu e pono ana i te ao, ko te kupu o te Atua; tena ko ta te tangata kupu e ngakaurua ana, mo te pai, mo te kino. Na enei kupu i wehewehe haere nga tikanga. Waihoki ko tenei kupu au, na te mana o Kuini i ora ai tenei motu, i kore ai e tae mai etahi iwi ke. E tika ana tenei kupu; na te ingoa o Kuini i ora ai tenei motu. Ko tenei kupu au, kia koreretia atu oku whakaaro kia rongo koe, e tika ana.

E hoa, e Kawana, ko toku whenua i hoatu e ahau i te ra e whiti ana, ko nga wahi i puritia, i karangatia i ie ra e whiti ana, ko nga wahi i whakahokia mai e Kuini, i karangatia ano i te ra e whiti ana, kahore i mahia i te pouritanga. Ko enei wahi kahore ano kia takoto noa ki ia tangata ki ia tangata. E hoa, na konei i puta ai he whakaaro ke, no te mea hoki kahore i hohoro te whakarite wawe ki ia tangata ki ia tangata. E hoa, ko te tikanga tonu tenei i mahi ke ai etahi tangata he Kingi mo ratou. Ko taku whakaaro ia, kati ano he kingi pono, ko Ihowa i te Rangi. Me mahi nga iwi katoa i raro iho i te rangi ki aia anake. E hoa, e te Kawana, kahore ano ahau i rongo tikanga pai i nga Kawana tuatahi. Kotahi anake te Kawana nana i whakawhiwhi nga tangata Maori ki nga painga mo te wairua, mo te tinana, ki te tirotiro hoki i ona tamariki Maori. E hoa, e te Kawana, e kore e rite enei kupu i korerotia mai nei e koe, no te mea hoki kua noho rawa ki runga [unclear: utanga] o te kino. He aha ra [unclear: koto] tikanga ai i enei tau ka [unclear: koto] No te taima i raruraru ai [unclear: torr] mahi Kingi, ki te whawhai, [unclear: whka] ta he whakaaro mau. E ho[unclear: hona]aha atu aku kupu ki a koe, no te [unclear: cjtha] e noho ana ahau i runga i te tikanga kotahi, matou ko oku hoa Pakeha. Heoi ano taku kupu ki a koe.

Na Raniera T Iho-o-te-Rangi.