Title: Proceedings of of the Kohimarama Conference, Comprising Nos. 13 to 18 of the “Maori Messenger.”

Publication details: Auckland

Part of: He reo ture nō te taha Kāwana / Language of the Crown

License: Creative Commons Attribution-Share Alike 3.0 New Zealand Licence

Na Wanganui.

Tena koe. Ko a matou kupu tenei ki waenganui o tenei komiti, he whakakotahi i nga iwi Maori me nga Pakeha. Kaore hoki he putanga ketanga. Kei te mohio ano koe, e te Kawana, ko te whakapono te tino tumautanga o nga mea katoa. Ki te mohio au ki te tikanga o te whakapouo ka ora i te whakapono, ki te mohio hoki matou ki te tikanga o nga ture e ora i nga ture. E taea e te whakapono te whakaora i a matou, e taea ano e te ture te whakaora i a matou. Kei maumau whakahua noa i enei mea. Ko ta matou, ko te ture hei rangatira mo te tangata i te oranga. Kia rongo mai koe. Kua tahi maro te whakapono, me te ture, kua kapea ki muri. Tenei hoki tetahi kupu "Ko ia ka pa nei te ringa ki te parau, ka tahuri ki muri e kore e pai mo te rangatiratanga o te Rangi." Kahore matou i te kite whakaaro: ahakoa whangai i te paraire ki o matou mangai e kore matou e kai. Ko ta matou tikanga he whakakotahi. Ko nga mahi tika ko nga mahi pai, te pakiaka pupuri i te ngakau tahi. Ko tetahi, he ngakau whakaiti, he ngakau whakatupapaku i roto i a te Kuini. E Kawana, kotahi tonu te mea e hapa ai koe i a matou, ko o matou wahi whenua i toe ki a matou,—e kore tena e whakaaetia e matou. Kua rite hoki a tatou whenua i hoko ai i mua, kaore he raruraru, kaore he aha. E hara i te mea hei aha ranei, he tohu ano mo a matou tamariki, mo a mua. Me tuku atu ano ki te Kawanatanga kia roherohea, kia tika ai te tuhanga ki nga whanaunga. Ko a matou whakaaro tenei kahore page 33 matou i te noho i runga i te tikanga o nga tupuna, kei whakaitia matou e te Atua. Kahore matou i runga i te tikanga whakahihi nei, penei me etahi iwi, kahore. E te Kawana. hohoro te whakaae i nga ture reti whenua ki Wanganui ki Rangitikei. Ko tetahi ture kaha kia whakataua ki runga ki o matou whenua. Ko te whakaaro tenei o matou hoa Pakeha, kei te hiahia kia mahi taone ki Putiki, whakaae ana kia korerotia ki a koe, kia wehea he ture mo o matou whenua. E hoa ma, mahia mai kia hohoro te oti, kia rite ki nga ture mo nga whenua Pakeha. Kaua e herea te mangai o te okiha e patu ana i te witi. Kia hohoro te mahi i nga ture reti whenua, kia hohoro te marama nga tangata, kaua e rapurapua tona tikanga. He mea pakeke te hoko whenua i te reti. Titiro! Kahore he toto o te reti; no te hoko whenua te toto. Hohoro te homai te ture ke. Kua rite a matou tikanga ko o matou hoa Pakeha. Ka mutu enei korero. Whakapu mautia enei knpu a matou kia mau, kia piri.

Mo Tiatene:—He kupu tenei mo tetahi kai tiaki mo matou, mo nga tangata hoki e haere mai ana ki nga komiti mo te Kawanatanga, kaore, haunga nga komiti Maori, ma matou te whakaaro ki tera. Ko te mea i tohe ai matou ki a koe ko nga tangata o tawiti e karangatia ana e te Kawanatanga, mau e whakarite he whare, he kai, he Pakeha hei tiaki. Ko te ingoa o te Pakeha ko Tiatene. Mana nga tikanga katoa. Ko ta matou i pai ai ki taua Pakeha kahore matou i kite i tetahi he o taua Pakeha. Kua maha nga tau e noho ana ki waenganui o matou, kahore matou i kite i he he. Ko ta matou i kore ai e pai ki tetahi Pakeha ke, kua kite matou i te he.