Proceedings of of the Kohimarama Conference, Comprising Nos. 13 to 18 of the "Maori Messenger."
Na Ngatiawa (o Te Awa-o-te-Atua)
Na Ngatiawa (o Te Awa-o-te-Atua).
Kohimarama,
Hurae 14, 1860.
E pa, e te Kawana,—
Tena koe! Kua tae mai ahau ki Akarana nei, kua kite nei ahau i a koe, kua rongo nei ahau i o korero ano. E pa, ka nui te pai o taku whakaaro ake. Heoi, e pa, ka nui te hari o toku whakaaro ki enei tikanga au. Ara, e pa, kotahi te he—ko enei take e tu page 21 mai nei, ko Taranaki, ko ta Waikato mahi. No reira ka ahua raruraru te whakaaro, ta te mea he Maori ahau.
Na, mo ta Waikato mahi: mehemea i penei to tikanga i mua kua kore e tu tenei mea a Waikato; na te kore tikanga au mo nga raruraru Maori ake i rapu ai etahi o nga iwi Maori i tenei tikanga Kingi, hei whakariterite i nga raruraru Maori, i runga i o ratou whenua, i o ratou mea katoa. Na, kia rongo mai koe, kaore ano au kia uru ki roto ki a koe, kaore ano hoki au kia uru ki te Kingi, i tahaki tonu au e tu ana. Engari ka tahi au ka whakaaro ki te tomo atu ki a koe, me aku mea katoa, na te mea, ka tahi ano au ka rongo i tou ingoa—no naianei tonu. Heoiano aku whakaaro, he whakapai, he whakatika ki o korero. Heoi ano.
Naku, na to hoa, Na Te Makarini, (o Ngatiawa,) Te Awa-o-te-Atua.