Other formats

    TEI XML file   ePub eBook file  

Connect

    mail icontwitter iconBlogspot iconrss icon

Proceedings of of the Kohimarama Conference, Comprising Nos. 13 to 18 of the "Maori Messenger."

Paraire, Akuhata 10, 1860

page 37

Paraire, Akuhata 10, 1860.

Ka rupeke nga rangatira Maori ki te whare ka whakatika a Te Makarini ki te korero Ka mea ia ko te ra tenei hei mutunga mo te mahi, a hei apopo ka puta mai ai te Kawana ki te whakaoti marire i te runanga nei. Ka korero ano hoki a Te Makarini i tana hiahia e kukume ana i a ia kia haere kia kite i te whenua o ona tupuna i tawahi, ka hoki mai ai, otira e kore e haere wawe, kia takoto pai ra ano nga raruraru o tenei motu. Na, ko te mutunga tenei o tana korero, ka mea ia kia rapua iho e te runanga etahi kupu whakatuturu, kia takoto pumau ai a ratou whakaaro ki nga mea kua oti nei e ratou te ata hurihuri. Heotiano, ka takoto i konei nga kupu whakatuturu—era ha i korerotia e matou i tera Karere—na tukua atu ana ki a te Kawana kia kite ia.

Ao ake te ra, ka tae atu te Kawana ka whakaoti marire i te mahi runanga, i runga i te pai anake, otira kua oti tenei e matou te korero i tera Karere.

Kia ki atu matou i konei, i tae mai ano a Te Matutaera Kaniwhaniwha ki te runanga.

He rangatira ia no Ngatihourua. No nga ra whakamutunga o te runanga ka tae mai ia ki Kohimarama, ka uru ki te mahi. E kiia ana he mate nana i pupuri atu te tae wawe mai ai.

page break