He Wakaputanga o Te Rangatiratanga o Nu Tirene.
[wahanga]
page break
1. | Ko Matou, ko nga tino Rangatira o nga iwi o Nu Tirene i raro mai o Haurake, kua oti nei te huihui i Waitangi, i Tokerau, i te ra 28 o Oketopa, 1835. Ka wakaputa i te Rangatiratanga o to matou wenua; a ka meatia ka wakaputaia e matou he Wenua Rangatira, kia huaina, "Ko Te Wakaminenga o nga Hapu o Nu Tirene." |
2. | Ko te Kingitanga, ko te mana i te wenua o te wakaminenga o Nu Tirene, ka meatia nei kei nga tino Rangatira anake i to matou huihuinga; a ka mea hoki, ekore e tukua e matou te wakarite ture ki tetahi hunga ke atu, me tetahi Kawanatanga hoki kia meatia i te wenua o te wakaminenga o Nu Tirene, ko nga tangata anake e meatia nei e matou, e wakarite ana ki te ritenga o o matou ture e meatia nei e matou i to matou huihuinga. |
3. | Ko matou, ko nga tino Rangatira, ka mea nei, kia huihui ki te runanga ki Waitangi a te Ngahuru i tenei tau i tenei tau, ki te wakarite ture, kia tika ai te wakawakanga, kia mau pu te rongo, kia mutu te he, kia tika te hokohoko. A ka mea hoki ki nga tauiwi o runga, kia wakarerea te wawai, kia mahara ai ki te wakaoranga o to matou wenua, a kia uru ratou ki te wakaminenga o Nu Tirene. |
4. | Ka mea matou, kia tuhituhia he pukapuka, ki te ritenga o tenei o to matou wakaputanga nei, ki te Kingi o Ingarani, hei kawe atu i to matou aroha; nana hoki i wakaae ki te Kara mo matou. A no te mea ka atawai matou, ka tiaki i nga Pakeha e noho nei i uta, e rere mai ana ki te hokohoko, koia ka mea ai matou ki te Kingi kia waiho hei Matua ki a matou i to matou tamarikitanga, kei wakakahoretia to matou Rangatiratanga. |
Kua wakaaetia katoatia e matou i tenei ra, i te 28 o Oketopa 1835, ki te aroaro o te Rehirenete o te Kingi o Ingarani.
- Ko te Paerata, no te Patu Koraha.
- Ko Ururoa, no te Taha Wai.
- Ko Hare Hongi.
- Ko Hemi Kepa Tupe, no te Uri Putete.
- Ko te Warepoaka, no te Hikutu.
- Ko Titore, no Ngati Nanenane.
- Ko Moka, no te Patu Heka.
- Ko te Warerahi.
- Ko Rewa.
- Ko Wai, no Ngaitawake.
- Ko te Reweti Atua Haere, no Ngati Tau Tahi.
- Ko te Awa.
- Ko Wiremu Taunui, no te Wiu.
- Ko Tenana, no Ngati Kuta.
- Ko Pi, no te Mahurehure.
- Ko Kaua, no te Herepaka.
- Ko Tareha, no Ngati Rehia.
- Ko Kawiti, no Ngati Hine.
- Ko Pumuka, no te Roroa.
- Ko te Kekeao, no Ngati Matakiri.
- Ko te Kamara, no Ngati Kawa.
- Ko Pomare, no Ngati Manu.
- Ko Wiwia, no te Kapo Tai.
- Ko te Tao, no te Kai Mata.
- Ko Marupo, no te Wanau Rara.
- Ko te Kopiri, no te Uri Taniwa.
- Ko Warau, no te Wanau Horo.
- Ko te Ngere, no te Uri Kapana.
- Ko Moetara, no Ngati Korokoro.
- Ko te Hiamoe, no te Uri o Ngonga.
- Ko Tamati Pukututu, no te Uri o te Hawato.
Ko Eruera Pare, te Kai Tuhituhi.