He Ture hei whakatikatika i te Ture Tiaki Kararehe.
Ka Meingatia Hei Ture e te Runanga Nui o Niu Tireni e noho huihui ana i te Paremete, i runga ano hoki i tona mana, ara:—
- 1. Te Ingoa Poto o tenei Ture, ko "Te Ture Tiaki Manu me etahi tu ahua Kararehe, 1900."
Te Wa Pupuhi.
-
2. Ko te wa tika hei hopunga hei patunga ranei mo nga manu Maori me nga manu me nga kararehe i mauria mai i tawahi i roto i te Takiwa Porowini o Otakou, me timata i te ra tuatahi o Aperira a me mutu i te toru tekau o nga ra o Hune, a i etahi atu wahi o roto o te koroni me timata i te ra tuatahi o Mei a me mutu i te toru tekau ma tahi o nga ra o Hurae, i ia tau.
Engari hoki i runga i te tono a pukapuka a tetahi hunga whakatupu manu Pakeha, kua rehitatia ratou, kei reira ka whaimana te Kawana i runga i tana panui ki te whakapoto iho ano i aua wa kua whakaritea ake nei mo roto mo tetahi takiwa, tetahi wahi ranei o tetahi takiwa; ki te mahara ranei ia he mea tika kia pera, me mana ano te Kawana ki te kati rawa i tau wa i aua wa ranei i taua takiwa i aua takiwa ranei, kia kaua rawa e hopukia e patua ranei aua manu i taua wa, ki te whakaeke ranei i aua tikanga mo etahi manu Maori mo etahi manu Pakeha ranei i runga i tana i mahara ai he mea tika.
Me panui ki te Gazette te wa e tuwhera ai me te wa e kati ai te wa hei hopukanga hei patunga manu, me kaua e hoki iho i te toru tekau nga ra watea o taua panuitanga i mua atu o te wa e whakaritea ana hei puaretanga mo aua mahi.
Tuku Manu ki Tawahi.
- 3. Kaua he manu, he kararehe Pakeha, he manu Maori ranei e tukuna atu ki tawahi atu o te koroni, engari ano ma te pukapuka whakaae a te Hekeretari mo te Koroni, a ko ia tangata e tuku ana e whakamatau ana renei ki te tuku pera atu i etahi manu kararehe ranei i te mea kaore ano kia whakaaetia peratia, ka tika kia utu i te whiu kia kaua e hipa ake i te rua tekau pauna; kaua hoki e puritia he manu he kararehe Pakeha, he manu Maori ranei mo te wa roa atu i te whitu ra i muri iho o te katinga o te wa hopunga, patunga manu ranei, ahakoa he mea whakamatao ki te huka papa aua manu, kararehe Pakeha, manu Maori ranei i mahia ketia ranei aua mea.
4. |
|
||||
5. | Ko nga Ture e mau ake i te Kupu Apiti ki tenei Ture e whakakorea atu ana ona mana. |
Kupu Apiti.
- 1880, Nama 18.—"Ture Tiaki Kararehe, 1880," ara nga tekiona toru, wha, tekau ma whitu, me te tekau ma waru.
- 1881, Nama 34.—"Ture Whakatikatika 1881 i te Ture Tiaki Kararehe," ara te tekiona rua me te toru.
- 1889, Nama 23.—"Ture Whakatikatika 1889 i te Ture Tiaki Kararehe," ara ko tetahi taha o te tekiona ono.