.jpg)
page 41
Huarahi Whakahaere Apiti atu ki nga Huarahi Whakahaere o te Kooti Maori Whakawa Tuarua.
Notemea i runga i nga tikanga o "Te Ture Kooti Whenua Maori, 1894," i meingatia hei ture ka whai mana te Tumuaki o te Kooti Whenua Maori i ia wa, i ia wa, i runga i te whakaae o te Kawana i roto i tona Kaunihera ki te whakatakoto huarahi whakahaere mo nga mahi, mo nga tu whakahaere, mo nga mea katoa e tau ana kia whakahaerea e te Kooti Maori Whakawa Tuarua i turia nei hei Kooti i raro i taua Ture, me te whakarite hoki i nga wa mo nga nohoanga o taua Kooti Whakawa Tuarua, mo te whakarite hoki i nga moni e tika ana kia utua i raro i nga tikanga o taua Ture, mo te wa me te huarahi e utua ai aua moni, mo te tono hoki e tino utua ai aua moni. A notemea e tau ana kia whakahaerea ano aua mana ra:
No reira, ko ahau, ko George Boutflower Davy, te Tumuaki o taua Kooti, mo nga tikanga katoa kua kiia i mua ake nei, i raro hoki i te mana kua whakataua nei e taua Ture ki ahau, ka hanga nei i nga huarahi whakahaere nei apiti atu ki era huarahi whakahaere—
| 21. | E kore e panuitia kia whakawakia te tono whakawa tuarua kia pahure ra ano nga marama e rua i muri mai i te ra i whakapuakina ai te whakataunga koia nei te putake o taua tono ra. A tenei ka whakakorea atu nei te huarahi whakahaere Nama 2 o te 19 o nga ra o Tihema, 1894. |
| 22. | Ko te 122 o nga huarahi whakahaere o te Kooti Whenua Maori me ki ka pa, a kua whakaurua hoki ki roto ki nga huarahi whakahaere o te Kooti Whakawa Tuarua. |
Inahoki toku ringa he mea tuhi i tenei te 15 o nga ra o Hepetema, 1896.
Geo. B. Davy,
Tumuaki Kai-whakawa.
He mea whakaae i roto i te Kaunihera.
J. F. Andrews,
Mo te Kai-tuhituhi o te Kaunihera.
