E tika ana i raro i te mana o taua ture kia panuitia te ra me te marama me te tau hai wkakaaringa ingoa mema me te ra e tu ai he Pootitanga mema mo te Paremata o te K tahitanga o te iwi Maori.

Notemea kei to 15 o nga ra o Pepuere, 1896, paahi ai te toru tau o nga Mema i Pootitia nei i te 15 o nga ra o Pepuere, 1893, na reira ka tika kia tu he whakaaringa ingoa mema a te Turei, 21 o nga ra o Hanuere, 1896, ko te ra hei Pootitanga a tu Turei, 28 o nga ra o Hanuere, 1896.

He kupu atu tenei ki a koutou e nga Honore Mema kua tu na i to koutou Pootitanga me tae mai koutou ki Tokaanu, Taupo, a te 23 o nga ra o Maehe, 1896, ko te ra e puare ai te Paremata kei te Taite, te 26 o nga ra, a te 2 o nga Haora i te awatea.

He kupu whakatupato tenei kia koutou katoa e nga mema o roto i nga wahanga e waru o Aotearoa me te Waipounamu, kaua koutou e hatu pukapuka whakamana i etehi tangata kaore nei i Pootitia e o koutou Iwi Hapu ranei hei riiwhi i o koutou tunga mema i roto i te Paremata o te Kotahitanga.

E kore hoki e mana i raro i te ritenga Pooti kia whakaurua noatia tetehi tengata etehi tangata ranei hei mema mo te Paremata o te Kotahitanga o te Iwi Maori i te mea kaore nei i Pootitia mai e o ratou Iwi Hapu ranei.