Rarangi 3, o te Pire a H. Rapihana.

Wi Pere (No te Runanga Ariki)—Te kirihipi te tino hoa o te Pire tono mana kua mohio te Pakeha e 20 mano kua haina ki te kirihipi a 20 mano e toe ana. Mehemea ka mohio te Pakeha e 40 mano kua haina kua mohio te Pakeha kua haina katoa nga Maori o te motu kaahi tena. Ko Pinepine Te Kura ko tona ritenga he hopu i o tatou whenua. No te tau 1889 i hanga ai tenei Pire a no te 1894 i mahia ai e te Kotahitanga tenei Pire i te paahitanga ka mauria ki te Paremata o te Koroni. Ko enei Pire e rua mehemea ka hinga rurua mai heoi ano ta te Pakeha he katakata, ko ta te Maori he tangi. E 25 nga Pire a te Kawanatanga i tenei tau no reira te roa o Pinepine Te Kura i tenei tau i penei te ahua i mate ai a Pinepine Te Kura.

T. Heretaunga—Ko ahau ekore e hania ki te pitihana mo Pinepine Te Kura.

T. Hau Te Horo—E tautoko ana ahau i pitihana mo Pinepine Te Kura.

H. Mangakahia (Pirimia)—He Pire pai a Pinepine Te Kura e tiaki ana i o tatou whenua. Ko te wahi kaoro i korerotia i roto mehemea ka paahi te Pire Tono Mana ka riro katoa nga whenua o tenei ki roto ki tera, otiia kua poahitia tenei Pire i Pakirikiri. Ko oku whenua kei waho o tenei Pire, mehemea i penei tatahi kupu i roto o tenei Pire. E tatari ana ia ki te paahitanga o te Ture Tono Maua otira he mea pai pea me penei tetahi kupu, ara kia 10 nga tau e takoto ana te whenua i raro o tenei ture hei tatari atu mo te Pire tono manau. Kia 8 tau kia ono tau ranei nga whenua e moe ana i raro i a Pinepine Te Kura he tatari atu i a Pire Tono Mana. Mehemea e rite penei me tenei e tino whakaae ana ahau ki tenei pitihana a he pai rawa mehemea e whakamaua tenei take ki roto.

H. Tomoana—I pau katoa nga whakamarama mo tenei Pire i te hui i Pakirikiri ko Pinepine Te Kura kaore e whana ana i te Pire Tono Mana otira ko nga kupu Apiti a te Pirimia i korero nei e whakaae ana ahau me whakatomo tenei korero ki roto o te Pire.

Wipere—Ko taku mohio mehemea ka uru tena korero ki roto kua pakaru tenei Pire, kei roto ano i te Pire nei e korero ana ma te Kotahitanga e tiaki o ratou whenua.

H. Mangakahia (Pirimia)—

H. Tukino—Heoi ano te mea e hiahiatia ana kia hainatia tenei pitihana heoi ko nga mea e hiahia ana kia haina me tuhi o ratou whenua. Ko nga mea ekore e haina e pai aua ano engari kaua ratou e tuku pukapuka ki te Paremata turaki mo te Pire.

T. Whuia—E tono ana ahau me neke te korero mo Pinepine mo tetahi wa.

H. Tukino—Tautoko.

Ka tukua te pooti. Kua riro i te noo.

Pooti mo te pitihana o Pinepine Te Kura.

Nga mema e whakaae ana me ki mai ae. Kua riro i te ae. Kua paahitia i te 29, 1895, i te 7 p.m.