2 p.m., ka puare te Whare.

Te Motini Whakatu Komiti whiriwhiri i whakanekehia mai mo te 2 p.m., i Motinitia e te Honore H. Tomoana.

H. Tukino—Ko nga mema enei i kowhiria e nga Minita o te Kawanatanga mo te Komiti whiriwhiri.

Nga ingoa o nga mema.

Timoti Whiua

Manahi Paewai

Wiremu Thaia

E. Hoori Karaka

Parati Paurini

Teira Tiakitai

Tamihana Korokai

Timi Waata Rimini

Hapeta Te Hautehoro

Ko nga mema enei mo te Komiti whiriwhiri hei mahi i nga Motini Pire Pitihana Menemana. Ki te oti ta ratou whakataunga ka mauria mai ki te Runanga whiriwhiri.

H. Tomoana—E titiro ana au ki nga korero a te Minita kaore e marama, e mea ana ahau e kore au e pai kia tukua te Pire a te Kawanatange ki te Komiti.

M. Te Ata—E whakauru ana ahau i a Timi Waata hei mema mo taua Komiti.

H. K. Taiaroa—Tautoko.

H. Tukino—E whakaae ana te Kawanatanga, kia tu a Timi Waata mo te Komiti whiriwhiri.

H. Rapihana—E mea ana ahau me waiho tonu taku Motini ki runga i te teepu.

T. Whiua—E tika ana te korero a te Honore Mema e pai ana me whakahaere tana.

M. Te Ata—Taku haihia me panui nga Motini katoa kia kitea nga Motini ngawari me nga Motini pakeko.

H. Rapihana—E tono ana ahau me korero taku Motini inaianei.

H. Tupara—E tautoko ana ahau i te Motini.

K. Kiwa—Tautoko

M. Te Ata—E tono ana au me whakaneke.

H. Mokopapaki—E tautoko ana i ta H. Rapihana.

N. Tautau—E tautoko ana i te pooti.

H. Niania—Tautoko i te tono pooti.

H. Paerata—E mea ana ahau me tae mai a Wi Pere ki tenei whare i te korerotanga o tenei take.

N. Tautau—Tautoko i ta H. Paerata.

Tiamana—Tuku pooti kia mahia te Motini a Herepete Rapihana.

• I te Ae 34.
• I te Noo 17.

Kua riro i te Ae.

Herepete Rapihana Motini.

• 1. Turaki i te Kooti Whakawa Whenua Maori o te tau 1894.
• 2. Pitihana whakaara i te Pire tono mana
• 3. Pitihana mo Pinepine Te Kura. Na H. Rapihana.

H. Rapihana—Mehemea e whakaaetia enei mea e te whare a me hanga koki he pitihana mo enei Pire.

H. Tomoana—Tautoko i te Motini a H. Rapihana.

K. Kiwa—He mea pai mehemea e whakaaetia e tatou te pitihana o tenei take kua korerotia nei e te Honore Mema H. Rapihana, a kia hainatia hoki tenei pitihana.

Kua neke 7 p.m.