Motini.

Me haina nga tangata ki te kirihipi i tenei ra.

Timi Waata—E inoi ana ki te Kawanatanga kia tukua mai ai ma te Arawa ano e whakahaere.

H. K. Taiaroa—E tono ana he Apiti. Ko nga tangata e hiahia ana ahau kia hainatia te kirihipi inaianei i tetahi haora ranei a te ata ranei.

H. Tukino—Ko tenei Motini e rite ana na te Arawa, ara na H. Te Tupara, e tautoko ana ahau i nga korero a H. K. Taiaroa heoi ma te Kawanatanga e whakaaro te taima, heoi ka whakatuturutia ko te 9 a.m. apopo, 28 Maehe, 1895, timata ai te haina.

Kua paahitia tenei Motini, 27 Maeho, 1895, 7 p.m.

M. Te Ata—Kei te whakapai ahau mo te paahitanga o tenei take notemea ko te whakaotinga tenei mo tenei Kotahitanga.

H. Tukino—E te Arawa e tika ana kia kaha koutou ki te korero mo tenei mea ko te ritenga o tenei mea e [unclear: rua] tangata hei kai-titiro mo taua haina ki te kirihipi.

H. Hau Te Horo—E mea ana ahau kei nga tangata o te ope hei titiro i to tatou haina e te Arawa.

Hohepa Te Rake—Kaore ano au i marama noa kua oti tenei take kei te Tiamana pea etahi kupu e marama ai ahau.

H. Tomoana—E mea ana ahau maku e whakahaere te haina apopo ki te marae, a ma te Kawanatanga e whakahaere a waho.

N. Pataawa—Ko te pakeke o tenei take kei waenganui i te Kawanatanga raua ko te Aputihana no reira e pouri ana ahau mo te nui o te pakeke o a tatou mahi.

H. Mokopapaki—E mea ana ahau kua oti tenei take i oti mai ano i Pakirikiri a tae mai ki tenei ra engari ko taku rongo i reira e he ana te whakaupoko o te Kirihipi otira mehemea o he ana te mea i a Timi Waata nei me whakatika ano pea.

page 22

H. Tukino—E tono ana ahau ki te Pika kia tonoa he pai ara he Pakipaki me te pooti mo te haina ki te kirihipi apopo i te 9 a.m., 28 Maehe, 1895.

H. Mokopapaki—Me unu mai taku korero ki waho.

Tamati Hapimana—He patai ko wai te upoko mo tenei kirihipi ko te mea e mau ana i runga ko te Tiriti o Waitangi, ko tenei mea no te Kuini Wikitoria e mea ana hoki ahau me haere tonu i raro i te mana o te Kotahitanga, ko te kupu a te Kahui Wananga o te Arawa me kania heoi e pai ana kua oti me haina apopo a kaore noa iho ahau e mohio ana me haina ki runga i tehea mea. A e tono ana hoki tatou i te mana Motuhake ko tona hoa tenei ko te kirihipi, otira e whakaae ana ahau me haina apopo i te 9 a.m.

H. Tupara—E mea ana ahau ko te hania o te Arawa ma Ngatiawa me tetahi o nga Minita e titiro, a mehemea ka haina e tahi atu hapu ma etahi atu Iwi e titiro e p nei ana taku whakaaro.

N. Matenga—E marama ana ahau ki nga korero a te Minita o te Kawantanga, ko te hiahia kei runga i toku ngakau ko a te ata ka haina ahau notemea kua tu nei ahau hei mema mo te Kawanatanga o tenei Kotahitanga.

N. Tautau—E tono ana ahau kia tukua mai te pooti mo runga o tenei take kia paahitia.

Maniapoto—Tautoko.

Honore Pika—Ka tuku i te pooti mo te haina o te kirihipi apopo 28 Maehe, 1895, i te 9 a.m., ko [unclear: nga] mema e whakaae ana me ki ae. Ae. Kua riro i te ae kua paahi 27 Maehe, 1895, 7 p.m.

Kua mutu 10 p.m. Neke 10 a.m., apopo Taite, Maehe 28, 1895.

Ka puare te whare 10 a.m.

Nga mema i noho e 54.

Henare Tomoana—He Motini taku hei timatanga mo te mahi. Te tuatahi me te tuarua.

H. Mangakahia—He Pire tenei ka panuitia i mua i te hoatutanga ki te Piki.

M. Te ATA—E tono ana au ko nga take i paahitia inapo kia korerotia aianei [unclear: nga] take hei korerotanga aianei.

H. Tomoana—E tono ana ahau kia panuiti taku Motini.

Pika—Ka panuitia te Motini.

Kite [unclear: whakaaro] o tenei whare kia kowhiria he mema mo te Komiti Whiriwhiri. H. Tomoana.

H. Hakaraia—Tautoko.

H. Te Rake—Tautoko i te Motini.

H. Tomoana—Ma te Kawanatanga raua ko te Aputihana e whiriwhiri nga mema mo te Komiti Whiriwhiri.

H. Hau Te Horo—E mea ana an ma te Pika e kowhiri he mema mo te Komiti Whiriwhiri.

H. Tukino—E turaki ana ahau i tenei Motini e mea ana ahau me whakaneke atu tenei Motini mo te 2 p.m. Ko nga mema mo taua Komiti me tango i te Whare Ariki, Aputihana me te Kawanatanga.

H. Paerata—E mea ana au me mahi nga Motini ngawari ko nga take pakeke me waiho hei reira ka tuku atu ka mahi he Komiti.

M. Te Ata—Ko te patai mo te tono a H. Waka me whakaneke te utu.

H. K. Taiaroa—Tautoko.

H. Tomoana—Ka whakaae ahau mo te 2 p.m. ka mahi i taku Motini mo nga mema mo te Komiti Whiriwhiri.