Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Tuunga. Tuawha O Te Paremata O Te Kotahitanga O Te Iwi Maori O Nui Tireni O Te 7 O Maehe, 1895

Motini

Motini.

Ki te whakaaro o tenei Runanga ma te Aputihana e noho nga turu o te Kawanatanga.

P. Patapu—Tautoko i te Motini.

H. Tukino—E tono ana ahau me whakaneke tenei Motini mo tetahi wa. Ka inoi atu ahau ko etahi atu Motini e mahi kei te hiahia ahau kia pai mai nga Mema Honore ki taku inoi.

W. Te Purewa—Tautoko i te korero a Te Heuheu Tukino.

T. Tokoihi—Tautoko i ta Te Heuheu Tukino.

H. Tomoana—He nui nga ra kua mahue ake nei hei arai ma te Kawanatanga i nga Kooti Whakawa Whenua Maori a kaore ratou i mahi heoi no tenei ra kua tono te Minita kia nekehia taku Motini a e pouri ana ahau. Note tau 1892 i timata mai ai tenei whakaaro kia mutu te Kooti heoi kaore noa iho tenei Kawanatanga e mahi, ko ahau e kore e whakaae kia whakakorea taku Motini kia pai ai te whakarongo a nga iwi e noho nei ko taku mohio he pai taku Motini mo tetahi wa.

H. Tukino—E tono ana ahau ko te Motini mo te kirihipi kia panuitia.

T. Tokoihi—E tono ana ahau ko te Motini mo te Kooti ki mua.

H. Rapihana—E mea ana ahua me haere tonu te mahi i runga i nga nama.

H. Hemi—Tautoko i ta H. Rapihana.

H. Hakaraia—E tautoko ana ahau i ta Takoihi.

Hau Te Horo—E tautoko ana au i ta Te H. Tukino.

H. Tukino (Minita)—E tono ana kia H. Rapihana kia waiho tana Motini notemea kei roto i te Pire a te Kawanatanga taua Motini.

H. Rapihana—Ko te kaupapa o taku Motini kei au nei ano.

T. Whiua (Minita)—Mo te korero a H. Rapihana ko nga take nui enei hei mahinga ma tatou no reira e mea ana ahau me whakaueke atu tenei Motini mo tetahi wa e mea ana ko nga kirihipi nei ki mua notemea e tatari ana ratou ki te haina a he tika ano te tirotiro mo te Kooti o Maketu notemea he mate tera a ma tenei Kotahitanga e hanga he kupu a taea ai te arai taua Kooti.

H. Rapihana—Kua whakaae au ki te tono a te Honore Minita.

H. Tukino—E tono ana me pooti mo nga mea e rua.

T. Tokoihi—Tautoko.

Ka tukua te pooti:

Mo teMotini mo te Kirihipi e 34

"" Arai i te Kooti 17