Ka puare te whare 2 p.m.

Rarangi Tuarua o te Pire kiripihi a te Kawanatanga.

N. Tautau—He Menemana. Ara ko te kirihipi me timata te haina i muri o te mutunga o tenei hui a hei te taenga o tena mema ki tona takiwa a kaore he arai i nga tangata e hiahia ana ki te haina i tona waahi i tona wahi.

H. Heke—Tautoko i te menemana.

H. Terake—E unu ana ahau i taku menemana e tautoko ana i te menemana a N. Tautau.

H. Niania—Tautoko i te menemana.

P. Patapu—Ko Taranaki ahu atu kaore ano i tae he kirihipi e tautoko ana ahau i te menemana me tuku mai te pooti.

K. Purewa.—E mea ana au ko te haina a te Arawa i timata mai nei i te Mane, 1 Aperira, 1895, 10 a.m., hei timatanga mai mo te haina mo te motu katoa runga i tenei ahua.

H. Heke—Kua haniatia noatia mai ano te haina i mua, a e ahei tonu ana me haina i page 31ano inaianei a mua ake nei hoki ko enei kupu e pau ana ki roto i te menemana a N. Tautau.

M. Te Ata—E tautoko ana ahau i te menemana.

H. Tukino (Minita)—Hei te tirotiro ano te Kawanatanga ki te ahua o tenei menemana notemea kia mahara ano nga mema hei te mutunga ano ranei o tenei hui ka haere nga mema o te Waipounamu, o Tuhoe o Wharekauri me etahi wahi, e mea ana ahau tirohia nga wahi e 4.

H. Heke—Kaore he taumaha nui o nga korero a te Honore Minita, noteamea ko te menemena e rite ana ki te rarangi o te Pire otira e taea ano [unclear: ie] wehe. Me rarangi ano to te menemana me te Pire.

H. Mangakahia (Pirimia)—Ko te kupu i roto i te menemana e ki ana "I muri" notemea ko tenei kupu kaore e matauria note mea ka waiho hei titiro ma o tatou uri i muri i a tatou me ata rapu ane he ritenga e pai ai te ahua mo tenei kupu. Ko te whakahohoro i te hania mo te kirihipi ka taea ano te karanga he ra hei mau i nga kirihipi mehemea ia e hiahia ana tatou ki a tere te mau i nga kirihipi no reira me ata tirotiro ano nga Honore Mema ki enei mea katoa.

H. Keke—He tapiri taku me te menemana Engari me pau nga takiwa o ia kaiwhakahaere i tana kirihipi i mua atu o te tunga o te huihuiga tuarima o tenei Runanga a me huihui mai nga kirihipi ki mua i te aroaro o taua Runanga a taua wa

H. Tukino (Minita)—Tautoko i te apiti mo te menemana.