Motini.

M. Te Ata—Kia nukuhia te Whare mo te 7 p.m., kia atea tenei ra mo te haina i nga kirihipi.

H. Mokopapaki—Tautoko i te Motini.

Pirimia—Ko enei rangi i whakaritea hei mahinga mo te Pire a te Kawanatanga a he nui nga ra i whakanekeneke ai i timata mai i tera Turei no te Paraire i whakatuturutia ai. Ko tenei ra ma te Kawanatanga kia rengo nga mema i aua take otira te timatanga o te mahi ko te kirihipi otira e hiahia ana nga Minita o te Kawanatanga kia whakaaroa mai ano te hiahia o te Kawanatanga i tenei ra ma ratou.

N. Matenga—Tautoko i ta te Pirimia a e mea ana ahau ko nga mema anake e noho ano i te Whare me tuku ata nga Iwi kia haina i te kirihipi i tenei ra. Taku hiahia ko te Pire a te Kawanatanga kia mahia.

H. Rangimatini—Tautoko i te Motini note mea ko te kirihipi te take nui o tenei hui a me whakaae mai koutou e nga Mema Honore hei whakararata mai mau i ahau i a te Arawa.

H. Tomana—E mea ana au me tuku te pooti whakaneke note mea e whakaae ana te [unclear: Aputihana]. Patai mehemea kei te Pirimia te Tiiti o te whatumuakitanga o Pere Taui.

N. Tautau—Tautoko i te Motini notemea he haina i te kirihipi a me te haina ano hoki ki nga pitihana kua hanga nei mo te mau atu ki te Paremata.

H. Tukino—E mohio aua koutou ki te ngawaritanga o tenei Kawanatanga heoi e whakaaetia ana me whakaneke atu mo a te 7 p.m.